அதிகாரம் :

1. 1இன்சொலால் ஈரம் அளைஇப் படிறுஇலவாம்
   செம்பொருள் கண்டார்வாய்ச் சொல். விளக்கம்
   விளக்கம்:
   ஒருவர் வாயிலிருந்து வரும் சொல் அன்பு கலந்ததாகவும், வஞ்சனையற்றதாகவும், வாய்மையுடையதாகவும் இருப்பின் அதுவே இன்சொல் எனப்படும்.
2. 2அகன்அமர்ந்து ஈதலின் நன்றே முகனமர்ந்து
   இன்சொலன் ஆகப் பெறின். விளக்கம்
   விளக்கம்:
   முகம் மலர்ந்து இனிமையாகப் பேசுவது, அகம் குளிர்ந்து ஒன்றைக் ஒடுப்பதை விட மேலான பண்பாகும்.
3. 3முகத்தான் அமர்ந்துஇனிது நோக்கி அகத்தானாம்
   இன்சொ லினதே அறம். விளக்கம்
   விளக்கம்:
   முகம் மலர நோக்கி, அகம் மலர இனிய சொற்களைக் கூறுவதெ அறவழியில் அமைந்த பண்பாகும்.
4. 4துன்புறூஉம் துவ்வாமை இல்லாக்கும் யார்மாட்டும்
   இன்புறூஉம் இன்சொ லவர்க்கு. விளக்கம்
   விளக்கம்:
   இன்சொல் பேசி எல்லோரிடத்திலும் கணிவுடன் பழகுவோர்க்கு 'நட்பில் வறுமை' எனும் துன்பமில்லை.
5. 5பணிவுடையன் இன்சொலன் ஆதல் ஒருவற்கு
   அணியல்ல மற்றுப் பிற. விளக்கம்
   விளக்கம்:
   அடக்கமான பண்பும், இனிமையாகப் பேசும் இயல்பும் தவிர, ஒருவருக்குச் சிற்ந்த அணிகலன் வேறு இறுக்க முடியாது.
6. 6அல்லவை தேய அறம்பெருகும் நல்லவை
   நாடி இனிய சொலின். விளக்கம்
   விளக்கம்:
   தீய செயல்களை அகற்றி அறநெறி தழைக்கச் செய்ய வேண்டுமானால், இனிய சொற்களைப் பயன்படுத்தி நல்வழி எதுவெனக் காட்ட வேண்டும்.
7. 7நயன் ஈன்று நன்றி பயக்கும் பயன்ஈன்று
   பண்பின் தலைப்பிரியாச் சொல். விளக்கம்
   விளக்கம்:
   நன்மையான பயனைத் தரக்கூடிய நல்ல பண்பிலிருந்து விலகாத சொற்கள் அவற்றைக் கூறுவோருக்கும் இன்பத்தையும், நன்மையையும் உண்டாக்கக் கூடியவைகளாகும்.
8. 8சிறுமையுள் நீங்கிய இன்சொல் மறுமையும்
   இம்மையும் இன்பம் தரும். விளக்கம்
   விளக்கம்:
   சிறுமைத்தனமற்ற இனியசொல் ஒறுவனுக்கு அவன் வாழும் போதும், வாழ்ந்து மறைந்த பிறகும் புகழைத் தர்க்கூடியதாகும்.
9. 9இன்சொல் இனிதீன்றல் காண்பான் எவன்கொலோ
   வன்சொல் வழங்கு வது? விளக்கம்
   விளக்கம்:
   இனிய சொற்க்ள் இன்பத்தை வழங்கும் என்பதை உணர்ந்தவர் அதற்கு மாறாக் எதற்காகக் கடுஞ் சொற்களைப் பயன்படுத்த வேண்டும்?
10. 10இனிய உளவாக இன்னாத கூறல்
    கனிஇருப்பக் காய்கவர்ந் தற்று. விளக்கம்
    விளக்கம்:
    இனிமையான சொற்கள் இருக்கும்போது அவற்றை விடுத்துக் கடுமையாகப் பேசுவது கனிகளை ஒதுக்கி விட்டுக் காய்களைப் பறித்துத் தின்பதற்குச் சமமாகும்.