அதிகாரம் :

1. 1பற்றற்ற கண்ணும் பழைமைபா ராட்டுதல்
   சுற்றத்தார் கண்ணே உள விளக்கம்
   விளக்கம்:
   ஒருவன் வறியவனான காலத்திலும் அவனுக்கும் தமக்கும் இருந்த உறவைப் பாராட்டிப் பேசும் பண்புகள் சுற்றத்தாரிடம் உண்டு.
2. 2விருப்பறாச் சுற்றம் இயையின் அருப்பறா
   ஆக்கம் பலவுந் தரும் விளக்கம்
   விளக்கம்:
   அன்பு நீங்காத சுற்றம் ஒருவனுக்குக் கிடைத்தால், அது மேன்மேலும் வளர்ச்சி குறையாத ஆக்கம் பலவற்றையும் அவனுக்குக் கொடுக்கும்.
3. 3அளவளா வில்லாதான் வாழ்க்கை குளவளாக்
   கோடின்றி நீர்நிறைந் தற்று விளக்கம்
   விளக்கம்:
   சுற்றத்தாரோடு மனம் கலந்து பழகும் தன்மை இல்லாதவனுடைய வாழ்க்கை, குளப்பரப்பானது கரையில்லாமல் நீர் நிறைந்தாற் போன்றது.
4. 4சுற்றத்தாற் சுற்றப் படவொழுகல் செல்வந்தான்
   பெற்றத்தாற் பெற்ற பயன் விளக்கம்
   விளக்கம்:
   தக்கவழியில் செய்யப்படாத முயற்சி பலர் துணையாக நின்று(அதை முடிக்குமாறு) காத்த போதிலும் குறையாகிவிடும்.
5. 5கொடுத்தலும் இன்சொல்லும் ஆற்றின் அடுக்கிய
   சுற்றத்தாற் சுற்றப் படும் விளக்கம்
   விளக்கம்:
   பொருள் கொடுத்தலும் இன்சொல் கூறுதலுமாகிய இரண்டும் செய்யவல்லவனானால் ஒருவன் தொடர்ந்த பலச் சுற்றத்தால் சூழப்படுவான்.
6. 6பெருங்கொடையான் பேணான் வெகுளி அவனின்
   மருங்குடையார் மாநிலத் தில் விளக்கம்
   விளக்கம்:
   பெரிய கொடையாளியாகவும் சினமற்றவனாகவும் ஒருவன் இருந்தால் அவனைப் போல் சுற்றத்தாரை உடையவர் உலகத்தில் யாரும் இல்லை.
7. 7காக்கை கரவா கரைந்துண்ணும் ஆக்கமும்
   அன்னநீ ரார்க்கே உள விளக்கம்
   விளக்கம்:
   காக்கை (தனக்கு கிடைத்ததை) மறைத்து வைக்காமல் சுற்றத்தைக் கூவி அழைத்து உண்ணும். ஆக்கமும் அத்தகைய இயல்பு உடையவர்க்கே உண்டு.
8. 8பொதுநோக்கான் வேந்தன் வரிசையா நோக்கின்
   அதுநோக்கி வாழ்வார் பலர் விளக்கம்
   விளக்கம்:
   அரசன் எல்லாரையும் பொதுவகையாக நோக்காமல், அவரவர் சிறப்புக்கு ஏற்றவாறு நோக்கினால், அதை விரும்பி சுற்றமாக வாழ்கின்றவர் பலர் ஆவர்.
9. 9தமராகித் தற்றுறந்தார் சுற்றம் அமராமைக்
   காரண மின்றி வரும் விளக்கம்
   விளக்கம்:
   முன் சுற்றத்தாறாக இருந்து பின் ஒருக் காரணத்தால் பிரிந்தவரின் உறவு, அவ்வாறு அவர் பொருந்தாமலிருந்த காரணம் நீங்கியபின் தானே வந்து சேரும்.
10. 10உழைப்பிரிந்து காரணத்தின் வந்தானை வேந்தன்
    இழைத்திருந் தெண்ணிக் கொளல் விளக்கம்
    விளக்கம்:
    தன்னிடமிருந்து பிரிந்து சென்று பின் ஒருக் காரணம்பற்றித் திரும்பிவந்தவனை, அரசன் அவன் நாடிய உதவியைச் செய்து ஆராய்ந்து உறவு கொள்ள வேண்டும்.