அதிகாரம் :

1. 1அவையறிந் தாராய்ந்து சொல்லுக சொல்லின்
   தொகையறிந்த தூய்மை யவர் விளக்கம்
   விளக்கம்:
   சொற்களின் தொகுதி அறிந்த தூய்மை உடையவர், அவைக்களத்தின் தன்மை அறிந்து ஏற்றச் சொற்களை ஆராய்ந்து சொல்ல வேண்டும்.
2. 2இடைதெரிந்து நன்குணர்ந்து சொல்லுக சொல்லின்
   நடைதெரிந்த நன்மை யவர் விளக்கம்
   விளக்கம்:
   சொற்களின் தன்மையை ஆராய்ந்த நன்மை உடையவர், அவையின் செவ்வியை ஆராய்ந்து நன்றாக உணர்ந்து சொல்ல வேண்டும்.
3. 3அவையறியார் சொல்லல்மேற் கொள்பவர் சொல்லின்
   வகையறியார் வல்லதூஉம் இல் விளக்கம்
   விளக்கம்:
   அவையின் தன்மை அறியாமல் சொல்லுதலை மேற்கொள்கின்றவர், சொற்களின் வகை அறியாதவரே, அவர் சொல்லவல்லதும் இல்லை.
4. 4ஒளியார்முன் ஒள்ளிய ராதல் வெளியார்முன்
   வான்சுதை வண்ணங் கொளல் விளக்கம்
   விளக்கம்:
   அறிவிற் சிறந்தவரின் முன் தானும் அறிவிற் சிறந்தவராக நடந்து கொள்ள வேண்டும், அறிவில்லாதவர் முன் தாமும் வெண் கண்ணம் போல் அறிவில்லாதவராய் இருக்க வேண்டும்.
5. 5நன்றென் றவற்றுள்ளும் நன்றே முதுவருள்
   முந்து கிளவாச் செறிவு விளக்கம்
   விளக்கம்:
   அறிவு மிகுந்தவரிடையே முந்திச் சென்று பேசாத அடக்கம் ஒருவனுக்கு நன்மை என்று சொல்லப்பட்டவை எல்லாவற்றிலும நல்லது.
6. 6ஆற்றின் நிலைதளர்ந் தற்றே வியன்புலம்
   ஏற்றுணர்வார் முன்னர் இழுக்கு விளக்கம்
   விளக்கம்:
   விரிவான அறிவுத்துறைகளை அறிந்து உணர்கின்றவரின் முன்னே குற்றப்படுதல், ஒழுக்கநெறியிலிருந்து நிலைத் தளர்ந்து கெடுவதைப் போன்றதாகும்.
7. 7கற்றறிந்தார் கல்வி விளங்கும் கசடறச்
   சொற்றெரிதல் முன்னர் இழுக்கு விளக்கம்
   விளக்கம்:
   குற்றமறச்சொற்களை ஆராயவதில் வ ல்ல அறிஞர்களிடத்தில் பல நூல்களைக் கற்றறிந்தவரின் கல்வியானது நன்றாக விளங்கித் தொன்றும்.
8. 8உணர்வ துடையார்முன் சொல்லல் வளர்வதன்
   பாத்தியுள் நீர்சொரிந் தற்று விளக்கம்
   விளக்கம்:
   தாமே உணர்கின்ற தன்மை உடையவரின் முன் கற்றவர் பேசுதல், தானே வளரும் பயிருள்ள பாத்தியில் நீரைச் சொரிந்தாற் போன்றது.
9. 9புல்லவையுள் பொச்சாந்தும் சொல்லற்க நல்லவையுள்
   நன்கு செலச்சொல்லு வார் விளக்கம்
   விளக்கம்:
   நல்ல அறிஞரின் அவையில் நல்ல பொருளைப் மனதில் பதியுமாறு சொல்லவல்லவர், அறிவில்லாதவரின் கூட்டத்தில் மறந்தும் பேசக் கூடாது.
10. 10அங்கணத்துள் உக்க அமிழ்தற்றால் தங்கணத்தர்
    அல்லார்முன் கோட்டி கொளல் விளக்கம்
    விளக்கம்:
    தன் இனத்தார் அல்லாதவரின் கூட்டத்தில் முன் ஒரு பொருளைப்பற்றி பேசுதல், தூய்மையில்லாத முற்றத்தில் சிந்திய அமிழ்தம் போன்றது.