அதிகாரம் :

1. 1தொடங்கற்க எவ்வினையும் எள்ளற்க முற்றும்
   இடங்கண்ட பின்னல் லது விளக்கம்
   விளக்கம்:
   முற்றுகை செய்வதற்கு ஏற்ற இடத்தைக் கண்டபின் அல்லாமல் எச் செயலையும் தொடங்கக்கூடாது, பகைவரை இகழவும் கூடாது.
2. 2முரண்சேர்ந்த மொய்ம்பி னவர்க்கும் அரண்சேர்ந்தாம்
   ஆக்கம் பலவுந் தரும் விளக்கம்
   விளக்கம்:
   மாறுபாடு பொருந்திய வலிமை உடையவர்க்கும் அரணோடு பொருந்தி ஏற்படுகின்ற வெற்றியானது பல வகைப் பயன்களையும் கொடுக்கும்.
3. 3ஆற்றாரும் ஆற்றி அடுப இடனறிந்து
   போற்றார்கண் போற்றிச் செயின் விளக்கம்
   விளக்கம்:
   தக்க இடத்தை அறிந்து தம்மைக் காத்துக் கொண்டு பகைவரிடத்திற் சென்று தம் செயலைச் செய்தால், வலிமை இல்லாதவறும் வலிமை உடையவராக வெல்வர்,
4. 4எண்ணியார் எண்ணம் இழப்பர் இடனறிந்து
   துன்னியார் துன்னிச் செயின் விளக்கம்
   விளக்கம்:
   தக்க இடத்தை அறிந்து பொருந்தியவராய்ச் செயலைச் செய்வாராயின், அவரை வெல்ல எண்ணியிருந்த பகைவர் தம் எண்ணத்தை இழந்துவிடுவார்.
5. 5நெடும்புனலுள் வெல்லும் முதலை அடும்புனலின்
   நீங்கின் அதனைப் பிற விளக்கம்
   விளக்கம்:
   ஆழமுள்ள நீரில் முதலை மற்ற உயிர்களை வெல்லும், ஆனால் நீரிலிருந்து விலகிவந்தால் அந்த முதலையையும் மற்ற உயிர்கள் வென்றுவிடும்.
6. 6கடலோடா கால்வல் நெடுந்தேர் கடலோடும்
   நாவாயும் ஓடா நிலத்து விளக்கம்
   விளக்கம்:
   வலிய சக்கரங்களையுடைய பெரியத் தேர்கள் கடலில் ஓடமுடியாது, கடலில் ஓடுகின்ற கப்பல்களும் நிலத்தில் ஓடமுடியாது.
7. 7அஞ்சாமை யல்லால் துணைவேண்டா எஞ்சாமை
   எண்ணி யிடத்தாற் செயின் விளக்கம்
   விளக்கம்:
   (செய்யும் வழிவகைகமைக்) குறைவில்லாமல் எண்ணித் தக்க இடத்தில் பொருந்திச் செய்தால், அஞ்சாமை அல்லாமல் வேறு துணை வேண்டியதில்லை.
8. 8சிறுபடையான் செல்லிடஞ் சேரின் உறுபடையான்
   ஊக்கம் அழிந்து விடும் விளக்கம்
   விளக்கம்:
   சிறிய படை உடையவனுக்குத் தக்கதாக உள்ள இடத்தில் பொருந்தி நின்றால், பெரிய படை உடையவன் தன் ஊக்கம் அழிவான்.
9. 9சிறைநலனுஞ் சீறும் இலரெனினும் மாந்தர்
   உறைநிலத்தோ டொட்ட லரிது விளக்கம்
   விளக்கம்:
   அரணாகிய நன்மையும் மற்றச் சிறப்பும் இல்லாதவராயினும் பகைவர் வாழ்கின்ற இடத்திற்குச் சென்று அவரைத் தாக்குதல் அரிது.
10. 10காலாழ் களரின் நரியடுங் கண்ணஞ்சா
    வேலாள் முகத்த களிறு விளக்கம்
    விளக்கம்:
    வேல் ஏந்திய வீரரைக் கோர்த்தெடுத்த கொம்பு உடைய யானையையும், கால் ஆழும் சேற்று நில்த்தில் அகப்பட்ட போது நரிகள் கொன்றுவிடும்.