அதிகாரம் :

1. 1உள்ளக் களித்தலும் காண மகிழ்தலும்
   கள்ளுக்கில் காமத்திற் குண்டு விளக்கம்
   விளக்கம்:
   நினைத்த அளவிலே களிப்படைதலும் கண்ட அளவிலே மகிழ்ச்சி அடைதலும் ஆகிய இந்த இருவகை தன்மையும் கள்ளுக்கு இல்‌லை; காமத்திற்கு உண்டு
2. 2தினைத்துணையும் ஊடாமை வேண்டும் பனைத்துணையும்
   காமம் நிறைய வரின் விளக்கம்
   விளக்கம்:
   காமம் பனையளவாக நிறைய வரும்போது காதலரோடு தினையளவாகச் சிறிதேனும் ஊடல் கொள்ளாமல் இருக்க வேண்டும்.
3. 3பேணாது பெட்பவே செய்யினும் கொண்கனைக்
   காணா தமையல கண் விளக்கம்
   விளக்கம்:
   என்னை விரும்பாமல் புறக்கணித்துத் தனக்கு விருப்பமானவற்றையே செய்து ஒழுகினாலும், என்னுடைய கண்கள் காதலனைக் காணாமல் பொருந்தவில்லை.
4. 4ஊடற்கண் சென்றேன்மன் தோழி அதுமறந்து
   கூடற்கண் சென்றதென் னெஞ்சு விளக்கம்
   விளக்கம்:
   தோழி! யான் அவரோடு ஊடுவதற்காகச் சென்றேன்; ஆனால், என்னுடைய நெஞ்சம் அந்த நோக்கத்தை மறந்து அவரோடு கூடுவதற்காகச் சென்றது.
5. 5எழுதுங்கால் கோல்காணாக் கண்ணேபோல் கொண்கண்
   பழிகாணேன் கண்ட இடத்து விளக்கம்
   விளக்கம்:
   மை தீட்டும் நேரத்தில் தீட்டு் கோலைக் காணாத கண்களைப் போல், காதலனைக் கண்டபோது மட்டும் அவனுடைய குற்றத்தை நினைக்காமல் மறந்து விடுகின்றேன்.
6. 6காணுங்கால் காணேன் தவறாய காணாக்கால்
   காணேன் தவறல் லவை விளக்கம்
   விளக்கம்:
   காதலரைக் யான் காணும்போது ( அவருடைய செயல்களில்) தவறானவற்றைக் காண்பதில்லை; அவரைக் காணாதபோது தவறு அல்லாத நன்மைகளைக் காண்பதில்லை.
7. 7உய்த்தல் அறிந்து புனல்பாய் பவரேபோல்
   பொய்த்தல் அறிந்தென் புலந்து விளக்கம்
   விளக்கம்:
   வெள்ளம் இழுத்துச் செல்வதை அறிந்திருந்தும் ஓட் நீரில் பாய்கின்றவரைப் போல், பயன்படாமை அறிந்திருந்திருந்தும் ஊடல் கொள்வதால் பயன் ன்னெ?
8. 8இளித்தக்க இன்னா செயினும் களித்தார்க்குக்
   கள்ளற்றே கள்வநின் மார்பு விளக்கம்
   விளக்கம்:
   கள்வ! இழிவு வரத்தக்க துன்பங்களைச் செய்தாலும் கள்ளுண்டு களித்தவர்க்கு மேன்‌மேலும் விருப்பம் தரும் கள்ளைப் போன்றது உன் மார்பு.
9. 9மலரினும் மெல்லிது காமம் சிலரதன்
   செவ்வி தலைப்படு வார் விளக்கம்
   விளக்கம்:
   காமம் மலரை விட மென்மை உடையதாகும்; அந்த உண்மை அறிந்து அதன் நல்ல பயனைப் பெறக்கூடியவர் சிலரே.
10. 10கண்ணின் துனித்தே கலங்கினாள் புல்லுதல்
    என்னினும் தான்விதுப் புற்று விளக்கம்
    விளக்கம்:
    கண் பார்வையின் அளவில் பிணங்கி, என்னை விடத் தான் விரைந்து தழுவுதலை விரும்பி, ( பிணங்கிய நிலையையும் மறந்து) கலந்து விட்டாள்.