அதிகாரம் :

1. 1சீரிடங் காணின் எறிதற்குப் பட்டடை
   நேரா நிரந்தவர் நட்பு விளக்கம்
   விளக்கம்:
   அகத்தே பொருந்தாமல் புறத்தே பொருந்தி நடப்பவரின் நட்பு, தக்க இடம் கண்டபோது எறிவதற்கு உரிய பட்டையாகும்.
2. 2இனம்போன் றினமல்லார் கேண்மை மகளிர்
   மனம்போல வேறு படும் விளக்கம்
   விளக்கம்:
   இனம் போலவே இருந்து உண்மையில் இனம் அல்லாதவரின் நட்பு, பொதுமகளிரின் மனம் போல உள்ளொன்று புறமொன்றாக வேறுபட்டு நிற்கும்.
3. 3பலநல்ல கற்றக் கடைத்து மனநல்லர்
   ஆகுதல் மாணார்க் கரிது விளக்கம்
   விளக்கம்:
   பல நல்ல நூல்களைக் கற்றுத் தேர்ந்த போதிலும், அவற்றின் பயனாக நல்ல மனம் உடையவராகப் பழகுதல், (உள்ளன்பினால்) மாட்சியடையாதவர்க்கு இல்லை.
4. 4முகத்தின் இனிய நகாஅ அகத்தின்னா
   வஞ்சரை அஞ்சப் படும் விளக்கம்
   விளக்கம்:
   முகத்தால் இனிமையாகச் சிரித்துப் பழகி அகத்தில் தீமை கொண்டுள்ள வஞ்சகருடன் நட்பு கொள்வதற்கு அஞ்ச வேண்டும்.
5. 5மனத்தின் அமையா தவரை எனைத்தொன்றும்
   சொல்லினால் தேறற்பாற் றன்று விளக்கம்
   விளக்கம்:
   மனத்தால் தம்மொடு பொருந்தாமல் பழகுகின்றவரை அவர் கூறுகின்ற சொல்லைக் கொண்டு எத்தகைய ஒரு செயலிலும் நம்பித் தெளியக்கூடாது.
6. 6நட்டார்போல் நல்லவை சொல்லினும் ஒட்டார்சொல்
   ஒல்லை உணரப் படும் விளக்கம்
   விளக்கம்:
   நண்பர்போல் நன்மையானவற்றைச் சொன்னபோதிலும் பகைமை கொண்டவர் சொல்லும் சொற்களின் உண்மைத் தன்மை விரைவில் உணரப்படும்.
7. 7சொல்வணக்கம் ஒன்னார்கண் கொள்ளற்க வில்வணக்கம்
   தீங்கு குறித்தமை யான் விளக்கம்
   விளக்கம்:
   வில்லின் வணக்கம் வணக்கமாக இருந்தாலும் தீங்கு செய்தலைக்குறித்தமையால், பகைவரிடத்திலும் அவருடைய சொல்லின் வணக்கத்தை நன்மையாகக் கொள்ளக் கூடாது.
8. 8தொழுதகை யுள்ளும் படையொடுங்கும் ஒன்னார்
   அழுதகண் ணீரும் அனைத்து விளக்கம்
   விளக்கம்:
   பகைவர் வணங்கித் தொழுத கையினுள்ளும் கொலைக்கருவி மறைந்திருக்கும், பகைவர் அழுதுசொரிந்த கண்ணீரும் அத்தன்மையானதே.
9. 9மிகச்செய்து தம்மெள்ளு வாரை நகச்செய்து
   நட்பினுட் சாப்புல்லற் பாற்று விளக்கம்
   விளக்கம்:
   புறத்தே மிகுதியாக நட்புத் தோன்றச் செய்து அகத்தில் இகழ்கின்றவரைத் தாமும் அந் நட்பில் நகைத்து மகிழுமாறு செய்து அத் தொடர்பு சாகுமாறு நடக்க வேண்டும்.
10. 10பகைநட்பாங் காலம் வருங்கால் முகநட்
    டகநட் பொரீஇ விடல் விளக்கம்
    விளக்கம்:
    பகைவர் நண்பராகும் காலம் வரும் போது முகத்தளவில் நட்பு கொண்டு அகத்தில் நட்பு நீங்கி வாய்ப்புக் கிடைத்த போது அதையும் விட வேண்டும்.