அதிகாரம் :

1. 1அறம்பொருள் இன்பம் உயிரச்சம் நான்கின்
   திறந்தெரிந்து தேறப் படும் விளக்கம்
   விளக்கம்:
   அறம், பொருள், இன்பம், உயிர்காக அஞ்சும் அச்சம் ஆகிய நான்கு வகையாலும் ஆராயப்பட்ட பிறகே ஒருவன் (ஒரு தொழிலுக்கு உரியவனாகத்) தெளியப்படுவான்.
2. 2குடிப்பிறந்து குற்றத்தின் நீங்கி வடுப்பரியும்
   நாணுடையான் கட்டே தெளிவு விளக்கம்
   விளக்கம்:
   நல்லகுடியில் பிறந்து குற்றங்களிலிருந்து நீங்கிப் பழியாச் செயல்களைச் செய்ய அஞ்சுகின்ற நாணம் உடையவனையே நம்பித் தெளிய வேண்டும்.
3. 3அரியகற் றாசற்றார் கண்ணுந் தெரியுங்கால்
   இன்மை அரிதே வெளிறு விளக்கம்
   விளக்கம்:
   அரிய நூல்களைத் கற்றுத் தேர்ந்து குற்றம் அற்றவரிடத்திலும் ஆராய்ந்துப் பார்க்குமிடத்தில் அறியாமை இல்லாதிருப்பது அருமையாகும்.
4. 4குணநாடிக் குற்றமு நாடி அவற்றுள்
   மிகைநாடி மிக்க கொளல் விளக்கம்
   விளக்கம்:
   ஒருவனுடைய குணங்களை ஆராய்ந்து, பிறகு குற்றங்களையும் ஆராய்ந்து, மிகுதியானவை எவையென ஆராய்ந்து, மிகுந்திப்பவற்றால் தெளிந்து கொள்ள வேண்டும்.
5. 5பெருமைக்கும் ஏனைச் சிறுமைக்குந் தத்தங்
   கருமமே கட்டளைக் கல் விளக்கம்
   விளக்கம்:
   (மக்களுடைய குணங்களாலாகிய) பெருமைக்கும் (குற்றங்களாலாகிய) சிறுமைக்கும் தேர்ந்தறியும் உரைக் கல்லாக இருப்பவை அவரவருடைய செயல்களே ஆகும்.
6. 6அற்றாரைத் தேறுதல் ஓம்புக மற்றவர்
   பற்றிலர் நாணார் பழி விளக்கம்
   விளக்கம்:
   சுற்றத்தாறின் தெடர்பு அற்றவரை நம்பித் தெளியக்கூடாது, அவர் உலகத்தில் பற்று இல்லாதவராகையால் பழிக்கு நாண மாட்டார்.
7. 7காதன்மை கந்தா அறிவறியார்த் தேறுதல்
   பேதைமை எல்லாந் தரும் விளக்கம்
   விளக்கம்:
   அறியவேண்டியவற்றை அறியாதிருப்பவரை அன்புடைமை காரணமாக நம்பித்தெளிதல், (தெளிந்தவர்க்கு) எல்லா அறியாமையும் கெடும்.
8. 8தேரான் பிறனைத் தெளிந்தான் வழிமுறை
   தீரா இடும்பை தரும் விளக்கம்
   விளக்கம்:
   மற்றவனை ஒன்றும் ஆராயாமல் தெளிந்தால் அஃது (அவனுக்கு மட்டும் அல்லாமல்) அவனுடைய வழிமுறையில் தோன்றினவருக்கும் துன்பத்தைக் கொடுக்கும்.
9. 9தேறற்க யாரையுந் தேராது தேர்ந்தபின்
   தேறுக தேறும் பொருள் விளக்கம்
   விளக்கம்:
   யாரையும் ஆராயாமல் தெளியக்கூடாது, நன்றாக ஆராய்ந்த பின்னர் அவரிடம் தெளிவாகக் கொள்ளத்தக்க பொருள்களைத் தெளிந்து நம்ப வேண்டும்.
10. 10தேரான் தெளிவுந் தெளிந்தான்கண் ஐயுறவும்
    தீரா இடும்பை தரும் விளக்கம்
    விளக்கம்:
    ஒருவனை ஆராயாமல் தெளிவடைதலும், ஆராய்ந்து தெளிவடைந்த ஒருவனிடம் ஐயப்படுதலும் ஆகிய இவை நீங்காதத் துன்பத்தைக் கொடுக்கும்.