அதிகாரம் :

1. 1செல்வத்துட் செல்வஞ் செவிச்செல்வம் அச்செல்வஞ்
   செல்வத்து ளெல்லாந் தலை விளக்கம்
   விளக்கம்:
   செவியால் கேட்டறியும் செல்வம், செல்வங்களுள் ஒன்றாகப் போற்றப்படும் செல்வமாகும், அச் செல்வம் செல்வங்கள் எல்லாவற்றிலும் தலையானதாகும்.
2. 3செவியுணவிற் கேள்வி யுடையார் அவியுணவின்
   ஆன்றாரோ டொப்பர் நிலத்து விளக்கம்
   விளக்கம்:
   செவியுணவாகிய கேள்வி உடையவர் நிலத்தில் வாழ்கின்றவரே ஆயினும் அவி உணவைக் கொள்ளும் தேவரோடு ஒப்பாவார்.
3. 4கற்றில னாயினுங் கேட்க அஃதொருவற்
   கொற்கத்தின் ஊற்றாந் துணை விளக்கம்
   விளக்கம்:
   நூல்களைக் கற்றவில்லையாயினும், கற்றறிந்தவர்களிடம் கேட்டறிய வேண்டும், அது ஒருவனுக்கு வாழ்க்கையில் தளர்ச்சி வந்த போது ஊன்றுகோல் போல் துணையாகும்.
4. 5இழுக்க லுடையுழி ஊற்றுக்கோ லற்றே
   ஒழுக்க முடையார்வாய்ச் சொல் விளக்கம்
   விளக்கம்:
   ஒழுக்கமுடைய சான்றோரின் வாய்ச் சொற்கள், வழுக்கல் உடைய சேற்று நிலத்தில் ஊன்றுகோல் போல் வாழ்க்கையில் உதவும்.
5. 6எனைத்தானும் நல்லவை கேட்க அனைத்தானும்
   ஆன்ற பெருமை தரும் விளக்கம்
   விளக்கம்:
   எவ்வளவு சிறிதே ஆயினும் நல்லவற்றைக் கேட்டறிய வேண்டும், கேட்ட அந்த அளவிற்கு அவை நிறைந்த பெருமையைத் தரும்.
6. 7பிழைத்துணர்ந்தும் பேதைமை சொல்லா
   ரிழைத்துணர்ந் தீண்டிய கேள்வி யவர் விளக்கம்
   விளக்கம்:
   நுட்பமாக உணர்ந்து நிறைந்த கேள்வியறிவை உடையவர், ( ஒரு கால் பொருள்களைத்) தவறாக உணர்ந்திருந்தாலும் பேதைமையானவற்றைச் சொல்லார்.
7. 8கேட்பினுங் கேளாத் தகையவே கேள்வியால்
   தோட்கப் படாத செவி விளக்கம்
   விளக்கம்:
   கேள்வியறிவால் துளைக்கப் படாத செவிகள், ( இயற்கையான துளைகள் கொண்டு ஓசையைக்) கேட்டறிந்தாலும் கேளாத செவிட்டுத் தன்மை உடையனவே.
8. 9நுணங்கிய கேள்விய ரல்லார் வணங்கிய
   வாயின ராத லரிது விளக்கம்
   விளக்கம்:
   நுட்பமான பொருள்களைக் கேட்டறிந்தவர் அல்லாத மற்றவர், வணக்கமானச் சொற்களைப் பேசும் வாயினை உடையவராக முடியாது.
9. 10செவியிற் சுவையுணரா வாயுணர்வின் மாக்கள்
   அவியினும் வாழினு மென் விளக்கம்
   விளக்கம்:
   செவியால் கேள்விச் சுவை உணராமல் வாயின் சுவையுணர்வு மட்டும் உடைய மக்கள், இறந்தாலும் என்ன, உயிரோடு வாழ்ந்தாலும் என்ன.