அதிகாரம் :

1. 1கைம்மாறு வேண்டா கடப்பாடு மாரிமாட்டு
   என் ஆற்றுங் கொல்லோ உலகு. விளக்கம்
   விளக்கம்:
   மழையைப் போல் கைம்மாறு கருதாமல் ஒற்றுமையாய் செயல்பட்டால் இந்த உலகில் எதையும் சாதிக்கலாம்.
2. 2தாளாற்றித் தந்த பொருளெல்லாம் தக்கார்க்கு
   வேளாண்மை செய்தற் பொருட்டு. விளக்கம்
   விளக்கம்:
   முயன்று திரட்டிய பொருள் எல்லாம் தகுந்தவர்களுக்கு உதவி செய்வதற்காகவே.
3. 3புத்தே ளுலகத்தும் ஈண்டும் பெறலரிதே
   ஒப்புரவின் நல்ல பிற. விளக்கம்
   விளக்கம்:
   ஒற்றுமையைப் போல் வேறொன்றை கடவுளர் உலகம் சென்றாலும் பெற இயலாது.
4. 4ஒத்த தறவோன் உயிர்வாழ்வான் மற்றையான்
   செத்தாருள் வைக்கப்படும். விளக்கம்
   விளக்கம்:
   ஒற்றுமை போற்றுவர் தவிர மற்றவர்கள் இறந்தவர்களாகக் கருதப் படுவர்
5. 5ஊருணி நீர்நிறைந் தற்றே உலகவாம்
   பேரறி வாளன் திரு. விளக்கம்
   விளக்கம்:
   நீர் நிறைந்த குளம் போல், பரந்த மனம் உடையவனின் செல்வம் அனைவருக்கும் பயன்படும்.
6. 6பயன்மரம் உள்ளூர்ப் பழுத்தற்றால் செல்வம்
   நயனுடை யான்கண் படின். விளக்கம்
   விளக்கம்:
   நல்லவனின் செல்வம், மரத்தில் பழுத்த கனியைப் போல் எவருக்கும் இனிமையானது.
7. 7மருந்தாகித் தப்பா மரத்தற்றால் செல்வம்
   பெருந்தகை யான்கண் படின். விளக்கம்
   விளக்கம்:
   பெருந்தகையானவரின் செல்வம், மரம் மருந்தானது போல் முழுதும் பயன் வழங்க தவறாது
8. 8இடனில் பருவத்தும் ஒப்புரவிற்கு ஒல்கார்
   கடனறி காட்சி யவர். விளக்கம்
   விளக்கம்:
   தம் கடமையை அறிந்தவர்கள் துன்பப் படும் காலத்திலும், ஒற்றுமையில் குறையாதவர்களாய் இருப்பர்.
9. 9நயனுடையான் நல்கூர்ந்தா னாதல் செயும்நீர
   செய்யாது அமைகலா வாறு. விளக்கம்
   விளக்கம்:
   பிறருக்கு உதவ முடியாத நிலையே நல்லவனுக்கு வறுமையாகக் கொள்ளப் படும்.
10. 10ஒப்புரவி னால்வரும் கேடெனின் அஃதொருவன்
    விற்றுக்கோள் தக்க துடைத்து. விளக்கம்
    விளக்கம்:
    ஒற்றுமையால் வரும் கேடு எனின் ஒருவன் தன்னை விற்றும் பெற்றுக் கொள்ளலாம்