அதிகாரம் :

1. 1கண்ணோட்டம் என்னுங் கழிபெருங் காரிகை
   உண்மையான் உண்டிவ் வுலகு விளக்கம்
   விளக்கம்:
   கண்ணோட்டம் என்று சொல்லப்படுகின்ற மிகச் சிறந்த அழகு இருக்கும் காரணத்தால் தான், இந்த உலகம் அழியாமல் இருக்கின்றது.
2. 2கண்ணோட்டத் துள்ள துலகியல் அஃதிலார்
   உண்மை நிலக்குப் பொறை விளக்கம்
   விளக்கம்:
   கண்ணோட்டத்தினால் உலகியல் நடைபெறுகின்றது, கண்ணோட்டம் இல்லாதவர் உயிரோடு இருத்தல் நிலத்திற்குச் சுமையே தவிர வேறு பயனில்லை.
3. 3பண்ணென்னாம் பாடற் கியைபின்றேற் கண்ணென்னாங்
   கண்ணோட்டம் இல்லாத கண் விளக்கம்
   விளக்கம்:
   பாடலோடு பொருந்துதல் இல்லையானால் இசை என்ன பயனுடையதாகும், அதுபோல் கண்ணோட்டம் இல்லாவிட்டால் கண் என்ன பயனுடையதாகும்.
4. 4உளபோல் முகத்தெவன் செய்யும் அளவினாற்
   கண்ணோட்டம் இல்லாத கண் விளக்கம்
   விளக்கம்:
   தக்க அளவிற்குக் கண்ணோட்டம் இல்லாத கண்கள் முகத்தில் உள்ளவை போல் தோன்றுதல் அல்லாமல் வேறு என்ன பயன் செய்யும்.
5. 5கண்ணிற் கணிகலங் கண்ணோட்டம் அஃதின்றேற்
   புண்ணென் றுணரப் படும் விளக்கம்
   விளக்கம்:
   ஒருவனுடைய கண்ணுக்கு அணிகலமாவது கண்ணோட்டம் என்னும் பண்பே, அஃது இல்லையானால் புண் என்று உணரப்படும்.
6. 6மண்ணோ டியைந்த மரத்தனையர் கண்ணோ
   டியைடந்துகண் ணோடா தவர் விளக்கம்
   விளக்கம்:
   கண்ணோட்டதிற்க்கு உரிய கண்ணோடுப் பொருந்தி இருந்தும் கண்ணோட்டம் இல்லாதவர் (கண் இருந்தும் காணாத ) மரத்தினைப் போன்றவர்.
7. 7கண்ணோட்டம் இல்லவர் கண்ணிலர் கண்ணுடையார்
   கண்ணோட்டம் இன்மையும் இல் விளக்கம்
   விளக்கம்:
   கண்ணோட்டம் இல்லாத மக்கள் கண் இல்லாதவரே ஆவர், கண் உடைய மக்கள் கண்ணோட்டம் இல்லா திருத்தலும் இல்லை.
8. 8கருமஞ் சிதையாமற் கண்ணோட வல்லார்க்
   குரிமை உடைத்திவ் வுலகு விளக்கம்
   விளக்கம்:
   தம் தம் கடமையாகிய தொழில் கெடாமல் கண்ணோட்டம் உடையவராக இருக்க வல்லவர்க்கு இவ்வுலகம் உரிமை உடையது.
9. 9ஒறுத்தாற்றும் பண்பினார் கண்ணுங்கண் ணோடிப்
   பொறுத்தாற்றும் பண்பே தலை விளக்கம்
   விளக்கம்:
   தண்டித்தற்குரிய தன்மை உடையவரிடத்திலும் கண்ணோட்டம் செய்து ( அவர் செய்த குற்றத்தைப்) பொருத்துக் காக்கும் பண்பே சிறந்தது.
10. 10பெயக்கண்டு நஞ்சுண் டமைவர் நயத்தக்க
    நாகரிகம் வேண்டு பவர் விளக்கம்
    விளக்கம்:
    எவராலும் விரும்பத்தக்க நாகரிகமான கண்ணோட்டத்தை விரும்புகின்றவர், பழகியவர் தமக்கு நஞ்சு இடக்கண்டும் அதை உண்டு அமைவர்.