அதிகாரம் :

1. 1வகையறிந்து வல்லவை வாய்சோரார் சொல்லின்
   தொகையறிந்த தூய்மை யவர் விளக்கம்
   விளக்கம்:
   சொற்களின் தூய்மை தொகுதி அறிந்த தூய்மை உடையவர், அவைக்களத்தின் வகையினை அறிந்து, வல்லவறின் அவையில் வாய்ச் சோர்ந்து பிழை சொல்லமாட்டார்.
2. 2கற்றாருள் கற்றார் எனப்படுவர் கற்றார்முன்
   கற்ற செலச்சொல்லு வார் விளக்கம்
   விளக்கம்:
   கற்றவரின் முன் தாம் கற்றவைகளைச் அவருடைய மனதில் பதியுமாறுச் சொல்லவல்லவர், கற்றவர் எல்லாரிலும் கற்றவராக மதித்துச் சொல்லப்படுவார்.
3. 3பகையகத்துச் சாவார் எளியர் அரியர்
   அவையகத் தஞ்சா தவர் விளக்கம்
   விளக்கம்:
   பகைவர் உள்ள போர்க்களத்தில் (அஞ்சாமல் சென்று) சாகத் துணிந்தவர் உலகத்தில் பலர், கற்றவரின் அவைக்களத்தில் பேச வல்லவர் சிலரே.
4. 4கற்றார்முன் கற்ற செலச்சொல்லித் தாங்கற்ற
   மிக்காருள் மிக்க கொளல் விளக்கம்
   விளக்கம்:
   கற்றவரின் முன் தான் கற்றவைகளை அவருடைய மனதில் பதியுமாறு சொல்லி, மிகுதியாகக் கற்றவரிடம் அம்மிகுதியான கல்வியைக் அறிந்து கொள்ள வேண்டும்.
5. 5ஆற்றின் அளவறிந்து கற்க அவையஞ்சா
   மாற்றங் கொடுத்தற் பொருட்டு விளக்கம்
   விளக்கம்:
   அவையில் (ஒன்றைக் கேட்டவர்க்கு) அஞ்சாது விடைகூறும் பொருட்டாக நூல்களைக் கற்க்கும் நெறியில் அளவை நூல் அறிந்து கற்க வேண்டும்.
6. 6வாளொடென் வன்கண்ண ரல்லார்க்கு நூலொடென்
   நுண்ணவை அஞ்சு பவர்க்கு விளக்கம்
   விளக்கம்:
   அஞ்சாத வீரர் அல்லாத மற்றவர்க்கு வாளோடு என்ன தொடர்பு உண்டு, நுண்ணறிவுடையவரின் அவைக்கு அஞ்சுகின்றவர்க்கு நூலோடு என்ன தொடர்பு உண்டு.
7. 7பகையகத்துப் பேடிகை ஒள்வாள் அவையகத்
   தஞ்சு மவன்கற்ற நூல் விளக்கம்
   விளக்கம்:
   அவையினிடத்தில் அஞ்சுகின்றவன் கற்ற நூல், பகைவரின் போர்க்களத்தில் அஞ்சுகின்ற பேடியின் கையில் உள்ள கூர்மையான வாள் போன்றது.
8. 8பல்லவை கற்றும் பயமிலரே நல்லவையுள்
   நன்கு செலச்சொல்லா தார் விளக்கம்
   விளக்கம்:
   நல்ல அறிஞரின் அவையில் நல்லப் பொருளைக் கேட்பவர் மனதில் பதியுமாறு சொல்ல முடியாதவர், பல நூல்களைக் கற்றாலும் பயன் இல்லாதவரே.
9. 9கல்லா தவரிற் கடையென்ப கற்றறிந்தும்
   நல்லா ரவையஞ்சு வார் விளக்கம்
   விளக்கம்:
   நூல்களைக் கற்றிந்த போதிலும் நல்ல அறிஞரின் அவைக்கு அஞ்சுகின்றவர், கல்லாதவரை விடக் கடைப்பட்டவர் என்று கூறுவர்.
10. 10உளரெனினும் இல்லாரொ டொப்பர் களனஞ்சிக்
    கற்ற செலச்சொல்லா தார் விளக்கம்
    விளக்கம்:
    அவைக்களத்திற்கு அஞ்சித் தாம் கற்றவைகளைக் (கேட்பவர் மனத்தில்) பதியுமாறு சொல்ல முடியாதவர், உயிரோடு வாழ்ந்தலும் இறந்தவர்க்கு ஒப்பாவர்.