அதிகாரம் :

1. 1அறவினை யாதெனின் கொல்லாமை கோறல்
   பிறவினை எல்லாந் தரும் விளக்கம்
   விளக்கம்:
   அறமாகிய செயல் எது என்றால் ஒரு உயிரையும் கொல்லாமையாகும், கொல்லுதல் அறமல்லாத செயல்கள் எல்லாவற்றையும் விளைக்கும்.
2. 2பகுத்துணடு பல்லுயி ரோம்புதல் நூலோர்
   தொகுத்தவற்று ளெல்லாந் தலை விளக்கம்
   விளக்கம்:
   கிடைத்ததைப் பகுந்து கொடுத்துத் தானும் உண்டு பல உயிர்களையும் காப்பாற்றுதல் அறநூலார் தொகுத்த அறங்கள் எல்லாவற்றிலும் தலையான அறமாகும்.
3. 3ஒன்றாக நல்லது கொல்லாமை மற்றதன்
   பின்சாரப் பொய்யாமை நன்று விளக்கம்
   விளக்கம்:
   இணையில்லாத ஓர் அறமாகக் கொல்லாமை நல்லது, அதற்கு அடுத்த நிலையில் கூறத்தக்கதாகப் பொய்யாமை நல்லது.
4. 4நல்லா றெனப்படுவ தியாதெனின் யாதொன்றுங்
   கொல்லாமை சூழும் நெறி விளக்கம்
   விளக்கம்:
   நல்ல வழி என்று அறநூல்களால் சொல்லப்படுவது எது என்றால், எந்த உயிரையும் கொல்லாத அறத்தைப் போற்றும் நெறியாகும்.
5. 5நிலையஞ்சி நீத்தாரு ளெல்லாங் கொலையஞ்சிக்
   கொல்லாமை சூழ்வான் தலை விளக்கம்
   விளக்கம்:
   வாழ்க்கையின் தன்மையைக்கண்டு அஞ்சித் துறந்தவர்கள் எல்லாரிலும், கொலைசெய்வதற்க்கு அஞ்சிக் கொல்லாத அறத்தைப் போற்றுகின்றவன் உயர்ந்தவன்.
6. 6கொல்லாமை மேற்கொண் டொழுகுவான் வாழ்நாள்மேல்
   செல்லா துயிருண்ணுங் கூற்று விளக்கம்
   விளக்கம்:
   கொல்லாத அறத்தை மேற்கொண்டு நடக்கின்றவனுடைய வாழ்நாளின் மேல், உயிரைக்கொண்டு செல்லும் கூற்றுவனும் செல்லமாட்டான்.
7. 7தன்னுயிர் நீப்பினுஞ் செய்யற்க தான்பிறி
   தின்னுயிர் நீக்கும் வினை விளக்கம்
   விளக்கம்:
   தன் உயிர் உடம்பிலிருந்து நீங்கிச் செல்வதாக இருந்தாலும், அதைத் தடுப்பதற்காகத் தான் வேறோர் உயிரை நீக்கும் செயலைச் செய்யக்கூடாது.
8. 8நன்றாகும் ஆக்கம் பெரிதெனினுஞ் சான்றோர்க்குக்
   கொன்றாகும் ஆக்கங் கடை விளக்கம்
   விளக்கம்:
   கொலையால் நன்மையாக விளையும் ஆக்கம் பெரிதாக இருந்தாலும், சான்றோர்க்குக் கொலையால் வரும் ஆக்கம் மிக இழிவானதாகும்.
9. 9கொலைவினைய ராகிய மாக்கள் புலைவினையர்
   புன்மை தெரிவா ரகத்து விளக்கம்
   விளக்கம்:
   கொலைத்தொழிலினராகிய மக்கள் அதன் இழிவை ஆராய்ந்தவரிடத்தில் புலைத்தொழிலுடையவராய்த் தாழ்ந்து தோன்றுவர்.
10. 10உயிருடம்பின் நீக்கியா ரென்ப செயிருடம்பின்
    செல்லாத்தீ வாழ்க்கை யவர் விளக்கம்
    விளக்கம்:
    நோய் மிகுந்த உடம்புடன் வறுமையான தீய வாழ்க்கை உடையவர், முன்பு கொலை பல செய்து உயிர்களை உடம்புகளில் இருந்து நீக்கினவர் என்று அறிஞர் கூறுவர்.