அதிகாரம் :

1. 1இடுக்கண் வருங்கால் நகுக அதனை
   அடுத்தூர்வ தஃதொப்ப தில் விளக்கம்
   விளக்கம்:
   துன்பம் வரும்போது (அதற்காக கலங்காமல்) நகுதல் வேண்டும், அத் துன்பத்தை எதிர்த்து வெல்லவல்லது அதைப் போன்றது வேறு இல்லை.
2. 2வெள்ளத் தனைய இடும்பை அறிவுடையான்
   உள்ளத்தின் உள்ளக் கெடும் விளக்கம்
   விளக்கம்:
   வெள்ளம் போல் அளவற்றதாய் வரும் துன்பமும், அறிவுடையவன் தன் உள்ளத்தினால் அத் துன்பத்தின் இயல்பை நினைத்த அளவில் கெடும்.
3. 3இடும்பைக் கிடும்பை படுப்பர் இடும்பைக்
   கிடும்பை படாஅ தவர் விளக்கம்
   விளக்கம்:
   துன்பம் வந்த போது அதற்க்காக வருந்திக் கலங்காதவர் அந்தத் துன்பத்திற்கே துன்பம் உண்டாக்கி அதை வென்று விடுவார்.
4. 4மடுத்தவா யெல்லாம் பகடன்னான் உற்ற
   இடுக்கண் இடர்ப்பா டுடைத்து விளக்கம்
   விளக்கம்:
   தடைபட்ட இடங்களில் எல்லாம் (வண்டியை இழுத்துச் செல்லும்) எருதுபோல் விடாமுயற்சி உடையவன் உற்றத் துன்பமே துன்பப்படுவதாகும்.
5. 5அடுக்கி வரினும் அழிவிலான் உற்ற
   இடுக்கண் இடுக்கட் படும் விளக்கம்
   விளக்கம்:
   விடாமல் மேன் மேலும் துன்பம் வந்தபோதிலும் கலங்காமலிருக்கும் ஆற்றலுடையவன் அடைந்த துன்பமே துன்பப்பட்டு போகும்.
6. 6அற்றேமென் றல்லற் படுபவோ பெற்றேமென்
   றோம்புதல் தேற்றா தவர் விளக்கம்
   விளக்கம்:
   செல்வம் வந்த போது இதைப்பெற்றோமே என்று பற்றுக்கொண்டு காத்தறியாதவர் வறுமை வந்த போது இழந்தோமே என்று அல்லல்படுவரோ.
7. 7இலக்கம் உடம்பிடும்பைக் கென்று கலக்கத்தைக்
   கையாறாக் கொள்ளாதா மேல் விளக்கம்
   விளக்கம்:
   மேலோர், உடம்பு துன்பத்திற்கு இலக்கமானது என்று உணர்ந்து, (துன்பம் வந்த போது) கலங்குவதை ஒழுக்க நெறியாகக் கொள்ளமாட்டர்.
8. 8இன்பம் விழையான் இடும்பை இயல்பென்பான்
   துன்ப முறுதல் இலன் விளக்கம்
   விளக்கம்:
   இன்பமானதை விரும்பாதவனாய்த் துன்பம் இயற்கையானது என்று தெளிந்திருப்பவன், துன்பம் வந்த போது துன்ப முறுவது இல்லை.
9. 9இன்பத்துள் இன்பம் விழையாதான் துன்பத்துள்
   துன்ப முறுதல் இலன் விளக்கம்
   விளக்கம்:
   இன்பம் வந்திக் காலத்தில் அந்த இன்பத்தை விரும்பிப் போற்றாதவன் துன்பம் வந்த காலத்தில் அந்தத் துன்பத்தை அடைவது இல்லை.
10. 10இன்னாமை இன்பம் எனக்கொளின் ஆகுந்தன்
    ஒன்னார் விழையுஞ் சிறப்பு விளக்கம்
    விளக்கம்:
    ஒருவன் துன்பத்தையே தனக்கு இன்பமாகக் கருதிக்கொள்வானானால் அவனுடைய பகைவரும் விரும்பத்தக்க சிறப்பு உண்டாகும்.