அதிகாரம் :

1. 1தள்ளா விளையுளும் தக்காரும் தாழ்விலாச்
   செல்வருஞ் சேர்வது நாடு விளக்கம்
   விளக்கம்:
   குறையாத விளைபொருளும் தக்க அறிஞரும் கேடில்லாத செல்வம் உடையவரும் கூடிப் பொருந்தியுள்ள நாடே நாடாகும்.
2. 2பெரும்பொருளாற் பெட்டக்க தாகி அருங்கேட்டால்
   ஆற்ற விளைவது நாடு விளக்கம்
   விளக்கம்:
   மிக்க பொருள் வளம் உடையதாய், எல்லோரும் விரும்பத்தக்கதாய் கேடு இல்லாததாய், மிகுதியாக விளைபொருள் தருவதே நாடாகும்.
3. 3பொறையொருங்கு மேல்வருங்கால் தாங்கி இறைவற்
   கிறையொருங்கு நேர்வது நாடு விளக்கம்
   விளக்கம்:
   (மற்ற நாட்டு மக்கள் குடியேறுவதால்) சுமை ஒரு சேரத் தன் மேல் வரும் போது தாங்கி, அரசனுக்கு இறைபொருள் முழுதும் தர வல்லது நாடாகும்.
4. 4உறுபசியும் ஓவாப் பிணியும் செறுபகையும்
   சேரா தியல்வது நாடு விளக்கம்
   விளக்கம்:
   மிக்க பசியும், ஓயாத நோயும் (வெளியே வந்து தாக்கி) அழிவு செய்யும் பகையும் தன்னிடம் சேராமல் நல்ல வகையில் நடைபெறுவதே நாடாகும்.
5. 5பல்குழுவும் பாழ்செய்யும் உட்பகையும் வேந்தலைக்கும்
   கொல்குறும்பும் இல்லது நாடு விளக்கம்
   விளக்கம்:
   பல வகை மாறுபடும் கூட்டங்களும், உடனிருந்தே அழிவு செய்யும் பகையும், அரசனை வருத்துகின்ற கொலைத் தொழில் பொருந்திய குறுநில மன்னரும் இல்லாதது நாடு.
6. 6கேடறியாக் கெட்ட இடத்தும் வளங்குன்றா
   நாடென்ப நாட்டின் தலை விளக்கம்
   விளக்கம்:
   பகைவரால் கெடுக்கப் படாததாய், கெட்டுவிட்ட காலத்திலும் வளம் குன்றாததாய் உள்ள நாடே நாடுகள் எல்லாவற்றிலும் தலைமையானது என்று கூறுவர்.
7. 7இருபுனலும் வாய்ந்த மலையும் வருபுனலும்
   வல்லரணும் நாட்டிற் குறுப்பு விளக்கம்
   விளக்கம்:
   ஊற்றும் மழையும் மாகிய இருவகை நீர்வளமும், தக்கவாறு அமைந்த மலையும் அந்த மலையிலிருந்து ஆறாக வரும் நீர் வளமும் வலிய அரணும் நாட்டிற்கு உறுப்புகளாகும்.
8. 8பிணியின்மை செல்வம் விளைவின்பம் ஏமம்
   அணியென்ப நாட்டிற்கிவ் வைந்து விளக்கம்
   விளக்கம்:
   நோயில்லாதிருத்தல், செல்வம், விளை பொருள், வளம், இன்பவாழ்வு, நல்ல காவல் இந்த ஐந்தும் நாட்டிற்கு அழகு என்று கூறுவர்.
9. 9நாடென்ப நாடா வளத்தன நாடல்ல
   நாட வளந்தரு நாடு விளக்கம்
   விளக்கம்:
   முயற்சி செய்து தேடாமலேயே தரும் வளத்தை உடைய நாடுகளைச் சிறந்த நாடுகள் என்று கூறுவர், தேடிமுயன்றால் வளம் தரும் நாடுகள் சிறந்த நாடுகள் அல்ல.
10. 10ஆங்கமை வெய்தியக் கண்ணும் பயமின்றே
    வேந்தமை வில்லாத நாடு விளக்கம்
    விளக்கம்:
    நல்ல அரசன் பொருந்தாத நாடு, மேற்சொன்ன நன்மைகள் எல்லாம் அமைதிருந்த போதிலும் அவற்றால் பயன் இல்லாமல் போகும்.