அதிகாரம் :

1. 1அருட்செல்வம் செல்வத்துள் செல்வம் பொருட்செல்வம்
   பூரியார் கண்ணும் உள. விளக்கம்
   விளக்கம்:
   பொருட்செல்வம் இழிந்தவர்களிடத்தும் உள்ளது, அதனாலே அருட்செல்வமே செல்வங்களுக்குள் எல்லாம் சிறந்த செல்வம்.
2. 2நல்லாற்றாள் நாடி அருளாள்க பல்லாற்றால்
   தேரினும் அஃதே துணை. விளக்கம்
   விளக்கம்:
   நல்ல வழியிலே தேடி அந்த அருளுடனே இருக்க, பல வழிகளை கற்று தேர்ந்தாலும் அதுவே துணை இங்கே ஆற்றாள் என்பது மார்க்கம், இறைவழி என்றும் கொள்ளப்படுவதுண்டு.
3. 3அருள்சேர்ந்த நெஞ்சினார்க் கில்லை இருள்சேர்ந்த
   இன்னா உலகம் புகல். விளக்கம்
   விளக்கம்:
   அருள் கொண்ட நெஞ்சினார்கு இருள்சேர்ந்த துன்பமான உலகம் இல்லை.
4. 4மன்னுயிர் ஓம்பி அருளாள்வார்க்கு இல்லென்ப
   தன்னுயிர் அஞ்சும் வினை. விளக்கம்
   விளக்கம்:
   உலகத்திலுள்ள உயிரகளை காத்து அருள்புரிபவர்க்கு இல்லை தன்னுயிரை காத்துக்கொள்ள வேண்டுமே என்னும் பயம்
5. 5அல்லல் அருளாள்வார்க்கு இல்லை வளிவழங்கும்
   மல்லன்மா ஞாலங் கரி. விளக்கம்
   விளக்கம்:
   இந்த வளமான உலகமே சாட்சியாகும் துன்பமானது அருள்கொண்ட மனிதருக்கு இல்லை என்பதற்கு
6. 6பொருள்நீங்கிப் பொச்சாந்தார் என்பர் அருள்நீங்கி
   அல்லவை செய்தொழுகு வார். விளக்கம்
   விளக்கம்:
   பொருள்நீங்கி (தான் துன்படுவதை) மறந்து வாழ்பவர் என்று கூறுப்படுபவர் யாரென்றால் அல்லாதவைகளை செய்து அருள் இல்லாமல் வாழ்பவர்களே
7. 7அருளில்லார்க்கு அவ்வுலகம் இல்லை பொருளில்லார்க்கு
   இவ்வுலகம் இல்லாகி யாங்கு. விளக்கம்
   விளக்கம்:
   அருளில்லார்க்கு மேலுலகமும் பொருளில்லாதவர்க்கு இந்த உலகமும் இன்பமானதாய் இருக்காது
8. 8பொருளற்றார் பூப்பர் ஒருகால் அருளற்றார்
   அற்றார்மற் றாதல் அரிது. விளக்கம்
   விளக்கம்:
   பொருளல்லாதவர்கள் கூட சிலநேரங்களில் செல்வம் கொழிப்பர் அருளில்லாதவர் அழிந்தவர்ளாகாமல் மீள்வது அரிது
9. 9தெருளாதான் மெய்ப்பொருள் கண்டற்றால் தேரின்
   அருளாதான் செய்யும் அறம். விளக்கம்
   விளக்கம்:
   அருளில்லாதவன் செய்யும் அறமானது ஞானமில்லாதவன் மெய்ப்பொருளை கண்டது போலாகும்
10. 10வலியார்முன் தன்னை நினைக்க தான் தன்னின்
    மெலியார்மேல் செல்லு மிடத்து. விளக்கம்
    விளக்கம்:
    ஒரு வலியவன் முன் தன் நிலைமையை எப்படி இருக்கும் என்று நினைத்துப்பார்க்கவேண்டும் எப்போதாகிலும் ஒரு மெலிவன் தன்னிடம் வரும்போது.