அதிகாரம் :

1. 1அணங்குகொல் ஆய்மயில் கொல்லோ கனங்குழை
   மாதர்கொல் மாலுமென் நெஞ்சு விளக்கம்
   விளக்கம்:
   தெய்வப் பெண்ணோ! மயிலோ, கனமான குழை அணிந்த மனிதப் பெண்ணோ, என் நெஞ்சம் மயங்குகின்றதே.
2. 2நோக்கினாள் நோக்கெதிர் நோக்குதல் தாக்கணங்கு
   தானைக்கொண் டன்ன துடைத்து விளக்கம்
   விளக்கம்:
   நோக்கிய அவள் பார்வைக்கு எதிரே நோக்குதல் தானே தாக்கி வருத்தும் அணங்கு, ஒரு சேனையையும் கொண்டு வந்து தாக்கினாற் போன்றது.
3. 3பண்டறியேன் கூற்றென் பதனை இனியறிந்தேன்
   பெண்டகையால் பேரமர்க் கட்டு விளக்கம்
   விளக்கம்:
   எமன் என்று சொல்லப்படுவதை முன்பு அறியேன், இப்பொழுது கண்டறிந்தேன், அது பெண் தனமையுடன் போர் செய்யும் பெரிய கண்களை உடையது
4. 4கண்டார் உயிருண்ணும் தோற்றத்தால் பெண்டகைப்
   பேதைக் கமர்த்தன கண் விளக்கம்
   விளக்கம்:
   பெண்தன்மை உடைய இந்தப் பேதைக்குக் கண்கள் கண்டவரின் உயிரை உண்ணும் தோற்றத்தோடு கூடி ஒன்றோடொன்று மாறுபட்டிருந்தன.
5. 5கூற்றமோ கண்ணோ பிணையோ மடவரல்
   நோக்கமிம் மூன்றும் உடைத்து விளக்கம்
   விளக்கம்:
   எமனோ. கண்ணோ, பெண்மானோ, இந்த இளம் பெண்ணின் பார்வை இந்த மூன்றன் தன்மையும் உடையதாக இருக்கிறது.
6. 6கொடும்புருவம் கோடா மறைப்பின் நடுங்கஞர்
   செய்யல மன்னிவள் கண் விளக்கம்
   விளக்கம்:
   வளைந்த புருவங்கள் கோணாமல் நேராக இருந்து மறைக்குமானால், இவளுடைய கண்கள் யான் நடுங்கும் படியான துன்பத்தைச் செய்யமாட்டா.
7. 7கடாஅக் களிற்றின்மேற் கட்படாம் மாதர்
   படாஅ முலைமேல் துகில் விளக்கம்
   விளக்கம்:
   மாதருடைய சாயாத கொங்கைகளின் மேல் அணிந்த ஆடை, மதம் பிடித்த யானையின் மேல் இட்ட முகப்படாம் போன்றது.
8. 8ஒண்ணுதற் கோஒ உடைந்ததே ஞாட்பினுள்
   நண்ணாரும் உட்குமென் பீடு விளக்கம்
   விளக்கம்:
   போர்க்களத்தில் பகைவரும் அஞ்சுதற்க்கு காரணமான என் வலிமை, இவளுடைய ஒளி பொருந்திய நெற்றிக்குத் தோற்று அழிந்ததே.
9. 9பிணையேர் மடநோக்கும் நாணும் உடையாட்
   கணியெவனோ ஏதில தந்து விளக்கம்
   விளக்கம்:
   பெண்மானைப் போன்ற இளமைப் பார்வையும் நாணமும் உடைய இவளுக்கு, ஒரு தொடர்பும் இல்லாத அணிகளைச் செய்து அணிவது ஏனோ.
10. 10உண்டார்க ணல்லது அடுநறாக் காமம்போல்
    கண்டார் மகிழ்செய்தல் இன்று விளக்கம்
    விளக்கம்:
    கள், தன்னை உண்டவரிடத்தில் அல்லாமல் காமத்தைப் போல் தன்னைக் கண்டவரிடத்தில் மயக்கத்தை உண்டாக்குவதில்லையே.