அதிகாரம் :

1. 1செய்யாமல் செய்த உதவிக்கு வையகமும்
   வானகமும் ஆற்ற லரிது. விளக்கம்
   விளக்கம்:
   தானாக முன் வந்து செய்யும் உதவிக்கு ஈடான செயல் இரு உலகங்களிலும் அரிது.
2. 2காலத்தி னாற்செய்த நன்றி சிறிதெனினும்
   ஞாலத்தின் மாணப் பெரிது. விளக்கம்
   விளக்கம்:
   தக்க நேரத்தில் செய்த உதவி சிறிதென்றாலும், உலகில் பெரியதாகவே கொள்ளப் படும்
3. 3பயன்தூக்கார் செய்த உதவி நயன்தூக்கின்
   நன்மை கடலின் பெரிது. விளக்கம்
   விளக்கம்:
   பயன் கருதாது ஒருவர் செய்த உதவி, கடலை விடப் பெரியது.
4. 4தினைத்துணை நன்றி செயினும் பனைத்துணையாக்
   கொள்வர் பயன்தெரி வார். விளக்கம்
   விளக்கம்:
   சிறிய உதவியைக் கூட அதன் நன்மையை கருத்தில் கொண்டு பெரிதாக கருதுவர் பயன் அறிந்தவர்.
5. 5உதவி வரைத்தன்று உதவி உதவி
   செயப்பட்டார் சால்பின் வரைத்து. விளக்கம்
   விளக்கம்:
   உதவி என்பது உதவியின் தன்மையை பொறுத்து அல்ல, உதவி பெற்றவரின் தன்மையைப் பொறுத்தது
6. 6மறவற்க மாசற்றார் கேண்மை துறவற்க
   துன்பத்துள் துப்பாயார் நட்பு. விளக்கம்
   விளக்கம்:
   நல்லவர் நட்பை மறக்கக் கூடாது. துன்பத்தில் தோள் கொடுத்தோர் நட்பை துறக்கக் கூடாது
7. 7எழுமை எழுபிறப்பும் உள்ளுவர் தங்கண்
   விழுமந் துடைத்தவர் நட்பு. விளக்கம்
   விளக்கம்:
   தாங்கள் தாழ்வுற்று இருந்த போது தாங்கிய நண்பரை ஏழேழு பிறப்பிலும் மறக்கக் கூடாது.
8. 8நன்றி மறப்பது நன்றன்று நன்றல்லது
   அன்றே மறப்பது நன்று. விளக்கம்
   விளக்கம்:
   ஒருவர் செய்த உதவியை மறப்பது நற்பண்பல்ல. ஆனால் நல்லது அல்லாதவைகளை அன்றே மறத்தல் நல்லது.
9. 9கொன்றன்ன இன்னா செயினும் அவர்செய்த
   ஒன்றுநன்று உள்ளக் கெடும். விளக்கம்
   விளக்கம்:
   கொலைக்கு ஒப்பான தீமை செய்தாலும், அவர் செய்த நன்மைதான் நினைவில் கொள்ளப் படும்.
10. 10எந்நன்றி கொன்றார்க்கும் உய்வுண்டாம் உய்வில்லை
    செய்ந்நன்றி கொன்ற மகற்கு. விளக்கம்
    விளக்கம்:
    எத்தகைய நல்ல செயல்களை மறந்தாலும், தனக்கு உதவியவரை மறந்தவர்களுக்கு செழிப்பு சேராது.