அதிகாரம் :

1. 1சிறப்புஈனும் செல்வமும் ஈனும் அறத்தினூங்கு
   ஆக்கம் எவனோ உயிர்க்கு. விளக்கம்
   விளக்கம்:
   சிறப்பையும், செழிப்பையும் தரக்கூடிய அறவழி ஒன்றைத்தவிர ஆக்கமளிக்க கூடிய வழி வேறென்ன இருக்கிறது.
2. 2அறத்தினூங்கு ஆக்கம் இல்லை அதனை
   மறத்தலின் ஊங்கில்லை கேடு. விளக்கம்
   விளக்கம்:
   நன்மைகளின் விளைநிலமாக இருக்கும் அறத்தைப் போல் ஒருவருடைய வாழ்க்கைக்கு ஆக்கம் தரக்கூடியது எதுவுமில்லை; அந்த அறத்தை மறப்பதை விடத் தீமையானதும் வேறில்லை.
3. 3ஒல்லும் வகையான் அறவினை ஓவாதே
   செல்லும்வாய் எல்லாஞ் செயல். விளக்கம்
   விளக்கம்:
   செய்யக்கூடிய செயல்கள் எவை ஆயினும், அவை எல்லா இடங்களிலும் தொய்வில்லாத அறவழியிலேயே செய்யப்பட வேண்டும்.
4. 4மனத்துக்கண் மாசிலன் ஆதல் அனைத்துஅறன்
   ஆகுல நீர பிற. விளக்கம்
   விளக்கம்:
   மனம் தூய்மையாக இருப்பதே அறம்; மற்றவை ஆரவாரத்தைத் தவிர வேறொன்றுமில்லை.
5. 5அழுக்காறு அவாவெகுளி இன்னாச்சொல் நான்கும்
   இழுக்கா இயன்றது அறம். விளக்கம்
   விளக்கம்:
   பொறாமை, பேராசை, பொங்கும் கோபம், புண்படுத்தும் சொல் ஆகிய இந்த நான்கும் அறவழிக்குப் பொருந்தாதவைகளாகும்.
6. 6அன்றறிவாம் என்னாது அறஞ்செய்க மற்றது
   பொன்றுங்கால் பொன்றாத் துணை. விளக்கம்
   விளக்கம்:
   பிறகு பார்த்துக் கொள்ளலாம் என்று நாள் கடத்தாமல் அறவழியை மேற்கொண்டால் அது ஒருவர் இறந்த பின் கூட அழியாப் புகழாய் நிலைத்துத் துணை நிற்கும்.
7. 7அறத்தாறு இதுவென வேண்டா சிவிகை
   பொறுத்தானோடு ஊர்ந்தான் இடை. விளக்கம்
   விளக்கம்:
   அறவழியில் நடப்பவர்கள் பல்லக்கில் உட்கார்ந்து செல்பவர்களைப் போல் வாழ்க்கையில் வரும் இன்ப துன்பங்கள் இரண்டையும் எளியவையாகக கருதி மகிழ்வுடன் பயணத்தை மேற்கொள்வார்கள். தீய வழிக்கு தங்களை ஆட்படுத்திக் கொண்டவர்களோ பல்லக்கைத் தூக்கிச் சுமப்பவர்களைப் போல இன்பத்திலும் அமைதி கொள்ளாமல், துன்பத்தையும் தாங்கிக் கொள்ளும் மனப்பக்குவமின்றி வாழ்வையே பெரும் சுமையாகக் கருதுவார்கள்.
8. 9அறத்தான் வருவதே இன்பம் மற்றெல்லாம்
   புறத்த புகழும் இல. விளக்கம்
   விளக்கம்:
   தூய்மையான நெஞ்சுடன் நடத்தும் அறவழி வாழ்க்கையில் வருகின்ற புகழால் ஏற்படுவதே இன்பமாகும்; அதற்கு மாறான வழியில் வருவது புகழும் ஆகாது; இன்பமும் ஆகாது.
9. 10செயற்பால தோரும் அறனே ஒருவற்கு
   உயற்பால தோரும் பழி. விளக்கம்
   விளக்கம்:
   பழிக்கத் தக்கவைகளைச் செய்யாமல் பாராட்டத்தக்க அறவழிச் செயல்களில் நாட்டம் கொள்வதே ஒருவர்க்குப் புகழ் சேர்க்கும்.