அதிகாரம் :

1. 1இரக்க இரத்தக்கார்க் காணின் கரப்பின்
   அவர்பழி தம்பழி அன்று விளக்கம்
   விளக்கம்:
   இரந்து கேட்க தக்கவரைக் கண்டால் அவனிடம் இரக்க வேண்டும், அவர் இல்லை என்று ஒளிப்பாரானால் அது அவர்க்கு பழி, தமக்கு பழி அன்று.
2. 2இன்பம் ஒருவற் கிரத்தல் இரந்தவை
   துன்பம் உறாஅ வரின் விளக்கம்
   விளக்கம்:
   இரந்து கேட்ட பொருள் துன்பமுறாமல் கிடைக்குமானால், அவ்வாறு இரத்தலும் இன்பம் என்று சொல்லத் தக்கதாகும்.
3. 3கரப்பிலா நெஞ்சிற் கடனறிவார் முன்னின்
   றிரப்புமோர் ஏஎர் உடைத்து விளக்கம்
   விளக்கம்:
   ஒளிப்பு இல்லாத நெஞ்சும், கடைமையுணர்ச்சியும், உள்ளவரின் முன்னே நின்று இரந்து பொருள் கேட்பதும் ஓர் அழகு உடையதாகும்.
4. 4இரத்தலும் ஈதலே போலும் கரத்தல்
   கனவிலும் தேற்றாதார் மாட்டு விளக்கம்
   விளக்கம்:
   உள்ளதை மறைத்துக் கூறும் தன்மையைக் கனவிலும் அறியாதவரிடத்தில் இரந்து கேட்பதும் பிறர்க்கு கொடுப்பதைப் போன்ற சிறப்புடையது.
5. 5கரப்பிலார் வையகத் துண்மையாற் கண்ணின்
   றிரப்பவர் மேற்கொள் வது விளக்கம்
   விளக்கம்:
   ஒருவர் முன் நின்று இரப்பவர் அந்த இரத்தலை மேற்கொள்வது, உள்ளதை இல்லை என்று ஒளித்துக்கூறாத நன்மைகள் உலகத்தில் இருப்பதால் தான்.
6. 6கரப்பிடும்பை யில்லாரைக் காணின் நிரப்பிடும்பை
   யெல்லா மொருங்கு கெடும் விளக்கம்
   விளக்கம்:
   உள்ளதை ஒளிக்கும் துன்பநிலை இல்லாதவரைக் கண்டால், இரப்பவரின் வறுமைத் துன்பம் எல்லாம் ஒரு சேரக் கெடும்.
7. 7இகழ்ந்தெள்ளா தீவாரைக் காணின் மகிழ்ந்துள்ளம்
   உள்ளுள் உவப்ப துடைத்து விளக்கம்
   விளக்கம்:
   இகழ்ந்து எள்ளாமல் பொருள் கொடுப்பவரைக் கண்டால், இரப்பவரின் உள்ளம் மகிழ்ந்து உள்ளுக்குள்ளே உவகை அடையும் தன்மையுடையதாகும்.
8. 8இரப்பாரை யில்லாயின் ஈர்ங்கண்மா ஞாலம்
   மரப்பாவை சென்றுவந் தற்று விளக்கம்
   விளக்கம்:
   இரப்பவர் இல்லையானால், இப் பெரிய உலகின் இயக்கம் மரத்தால் செய்த பாவை கயிற்றினால் ஆட்டப்பட்டுச் சென்று வந்தாற் போன்றதாகும்.
9. 9ஈவார்கண் என்னுண்டாம் தோற்றம் இரந்துகோள்
   மேவார் இலாஅக் கடை விளக்கம்
   விளக்கம்:
   பொருள் இல்லை என்று இரந்து அதைப் பெற்றுக் கொள்ள விரும்புவோர் இல்லாதபோது, பொருள் கொடுப்பவனிடத்தில் என்ன புகழ் உண்டாகும்.
10. 10இரப்பான் வெகுளாமை வேண்டும் நிரப்பிடும்பை
    தானேயும் சாலும் கரி விளக்கம்
    விளக்கம்:
    இரப்பவன் எவரிடத்திலும் சினம் கொள்ளாதிருக்க வேண்டும், அவன் அடைந்துள்ள வறுமைத் துன்பமே அவனுக்கு அறிவு புகட்டும் சான்றாக அமையும்.