அதிகாரம் :

1. 1அவாவென்ப எல்லா உயிர்க்குமெஞ் ஞான்றுந்
   தவாஅப் பிறப்பீனும் வித்து விளக்கம்
   விளக்கம்:
   எல்லா உயிர்களுக்கும் எக்காலத்திலும் ஒழியாமல் வருகின்ற பிறவித்துன்பத்தை உண்டாக்கும் வித்து அவா என்றுக் கூறுவர்.
2. 2வேண்டுங்கால் வேண்டும் பிறவாமை மற்றது
   வேண்டாமை வேண்ட வரும் விளக்கம்
   விளக்கம்:
   ஒருவன் ஒன்றை விரும்புவதனால் பிறவா நிலைமையை விரும்ப வேண்டும், அது அவா அற்ற நிலையை விரும்பினால் உண்டாகும்.
3. 3வேண்டாமை யன்ன விழுச்செல்வம் ஈண்டில்லை
   ஆண்டும் அஃதொப்ப தில் விளக்கம்
   விளக்கம்:
   அவா அற்ற நிலைமை போன்ற சிறந்த செல்வம் இவ்வுலகில் இல்லை, வேறு எங்கும் அதற்க்கு நிகரான ஒன்று இல்லை.
4. 4தூஉய்மை யென்ப தவாவின்மை மற்றது வாஅய்மை வேண்ட வரும் விளக்கம்
   விளக்கம்:
   தூயநிலை என்றுக் கூறப்படுவது அவா இல்லா திருத்தலே யாகும், அவா அற்ற அத்தன்மை மெய்ப்பொருளை விரும்புவதால் உண்டாகும்.
5. 5அற்றவ ரென்பார் அவாவற்றார் மற்றையார் அற்றாக அற்ற திலர் விளக்கம்
   விளக்கம்:
   பற்றற்றவர் என்றுக் கூறப்படுவோர் அவா அற்றவரே, அவா அறாத மற்றவர் அவ்வளவாகப் பற்று அற்றவர் அல்லர்.
6. 6அஞ்சுவ தோரும் அறனே ஒருவனை வஞ்சிப்ப தோரும் அவா விளக்கம்
   விளக்கம்:
   ஒருவன் அவாவிற்கு அஞ்சி வாழ்வதே அறம், ஏன் எனில் ஒருவனைச் சோர்வு கண்டுகொடுத்து வஞ்சிப்பது அவாவே.
7. 7அவாவினை ஆற்ற அறுப்பின் தவாவினை
   தான்வேண்டு மாற்றான் வரும் விளக்கம்
   விளக்கம்:
   ஒருவன் ஆசையை முழுதும் ஒழித்தால், அவன் கெடாமல் வாழ்வதற்கு உரிய நல்ல செயல் அவன் விரும்புமாறு வாய்க்கும்.
8. 8அவாவில்லார்க் கில்லாகுந் துன்பமஃ துண்டேல்
   தவாஅது மேன்மேல் வரும் விளக்கம்
   விளக்கம்:
   அவா இல்லாதவர்க்குத் துன்பம் இல்லையாகும், அவா இருந்தால் எல்லாத் துன்பங்களும் மேலும் மேலும் ஒழியாமல் வரும்.
9. 9இன்பம் இடையறா தீண்டும் அவாவென்னுந்
   துன்பத்துள் துன்பங் கெடின் விளக்கம்
   விளக்கம்:
   அவா என்று சொல்லப்படுகின்ற துன்பங்களுள் பொல்லாதத் துன்பம் கெடுமானால் இவ் வுலகில் இன்பம் இடையறாமல் வாய்க்கும்.
10. 10ஆரா இயற்கை அவாநீப்பின் அந்நிலையே
    பேரா இயற்கை தரும் விளக்கம்
    விளக்கம்:
    ஒருபோதும் நிரம்பாத தன்மை உடைய அவாவை ஒழித்தால் ஒழித்த அந்நிலையே எப்போதும் மாறாதிருக்கும் இன்ப வாழ்வைத் தரும்.