அதிகாரம் :

1. 1உறுப்பமைந் தூறஞ்சா வெல்படை வேந்தன்
   வெறுக்கையுள் எல்லாம் தலை விளக்கம்
   விளக்கம்:
   எல்லா உறுப்புக்களும் நிறைந்ததாய் இடையூறுகளுக்கு அஞ்சாததாய் உள்ள வெற்றி தரும் படை, அரசனுடைய செல்வங்கள் எல்லாவற்றிலும் சிறந்ததாகும்.
2. 2உலைவிடத் தூறஞ்சா வன்கண் தொலைவிடத்துத்
   தொல்படைக் கல்லால் அரிது விளக்கம்
   விளக்கம்:
   போரில் அழிவு வந்தவிடத்தில் வலிமைக் குன்றினாலும், இடையூறுகளுக்கு அஞ்சாத அஞ்சாமை தொன்றுதொட்டுப் பெருமை உடையபடைக்கு அல்லாமல் முடியாது.
3. 3ஒலித்தக்கால் என்னாம் உவரி எலிப்பகை
   நாகம் உயிர்ப்பக் கெடும் விளக்கம்
   விளக்கம்:
   எலியாகிய பகைக்கூடி கடல் போல் ஒலித்தாலும் என்ன தீங்கு ஏற்ப்படும், பாம்பு மூச்சு விட்ட அளவில் அவைக் கெட்டழியும்.
4. 4அழிவின் றறைபோகா தாகி வழிவந்த
   வன்க ணதுவே படை விளக்கம்
   விளக்கம்:
   (போர் முனையில்) அழிவு இல்லாததாய்(பகைவருடைய) வஞ்சனைக்கு இரையாகாததாய், தொன்று தொட்டுவந்த அஞ்சாமை உடையதே படையாகும்.
5. 5கூற்றுடன்று மேல்வரினும் கூடி எதிர்நிற்கும்
   ஆற்ற லதுவே படை விளக்கம்
   விளக்கம்:
   எமனே சினங்கொண்டு தன் மேல் எதிர்த்து வந்தாலும் ஒன்றாகத் திரண்டு எதிர்த்து நிற்க்கும் ஆற்றல் உடையதே படையாகும்.
6. 6மறமானம் மாண்ட வழிச்செலவு தேற்றம்
   எனநான்கே ஏமம் படைக்கு விளக்கம்
   விளக்கம்:
   வீரம், மானம், சிறந்த வழியில் நடக்கும் நடக்கை, தலைவரால் நம்பித் தெளியப்படுதல் ஆகிய இந்த நான்கு பண்புகளும் படைக்கு சிறந்தவையாகும்.
7. 7தார்தாங்கிச் செல்வது தானை தலைவந்த
   போர்தாங்கும் தன்மை அறிந்து விளக்கம்
   விளக்கம்:
   தன் மேல் எதிர்த்து வந்த பகைவரின் போரைத்தாங்கி, வெல்லும் தன்மை அறிந்து அவனுடைய தூசிப்படையை எதிர்த்துச் செல்லவல்லதே படையாகும்.
8. 8அடல்தகையும் ஆற்றலும் இல்லெனினும் தானை
   படைத்தகையால் பாடு பெறும் விளக்கம்
   விளக்கம்:
   போர் செய்யும் வீரமும்( எதிர்ப்பைத் தாங்கும்) ஆற்றலுமும் இல்லையானால் படைத்தன்னுடைய அணிவகுப்பால் பெருமை பெறும்.
9. 9சிறுமையும் செல்லாத் துனியும் வறுமையும்
   இல்லாயின் வெல்லும் படை விளக்கம்
   விளக்கம்:
   தன் அளவு சிறிதாகத் தேய்தலும், தலைவரிடம் நீங்காத வெறுப்பும் வறுமையும் இல்லாதிருக்குமானால் அத்தகைய படை வெற்றி பெறும்.
10. 10நிலைமக்கள் சால உடைத்தெனினும் தானை
    தலைமக்கள் இல்வழி இல் விளக்கம்
    விளக்கம்:
    நெடுங்காலமாக நிலைத்திருக்கும் வீரர் பலரை உடையதே ஆனாலும், தலைமைதாங்கும் தலைவர் இல்லாத போது படைக்குப் பெருமை இல்லையாகும்.