அதிகாரம் :

1. 1காதலர் தூதொடு வந்த கனவினுக்
   கியாதுசெய் வேன்கொல் விருந்து விளக்கம்
   விளக்கம்:
   ( யான் பிரிவால் வருந்தி உறங்கியபோது) காதலர் அனுப்பிய தூதோடு வந்த கனவுக்கு உரிய விருந்தாக என்ன செய்து உதவுவேன்?
2. 2கயலுண்கண் யானிரப்பத் துஞ்சின் கலந்தார்க்
   குயலுண்மை சாற்றுவேன் மன் விளக்கம்
   விளக்கம்:
   கண்கள் யான் வேண்டுவதுபோல் தூங்குமானால், ( அப்போது வரும் கனவில் காணும்) காதலர்க்கு யான் தப்பிப் பிழைத்திருக்கும்‌ தன்மையைச் சொல்வேன்.
3. 3நனவினான் நல்கா தவரைக் கனவினால்
   காண்டலின் உண்டென் உயிர் விளக்கம்
   விளக்கம்:
   நனவில் வந்து அன்பு செய்யாத காதலரைக் கனவில் காண்பதால்தான் என்னுடைய உயிர் இன்னும் நீங்காமல் உள்ளதாகின்றது.
4. 4கனவினான் உண்டாகும் காமம் நனவினான்
   நல்காரை நாடித் தரற்கு விளக்கம்
   விளக்கம்:
   நனவில் வந்து அன்பு செய்யாத காதலரைத் தேடி அழைத்துக் கொண்டு வருவதற்காகக் கனவில் அவரைப் பற்றிய காதல் நிகழ்ச்சிகள் உண்டாகின்றன.
5. 5நனவினாற் கண்டதூஉம் ஆங்கே கனவுந்தான்
   கண்ட பொழுதே இனிது விளக்கம்
   விளக்கம்:
   முன்பு நனவில் கண்ட இன்பமும் அப்பொழுது மட்டும் இனிதாயிற்று; இப்‌பொழுது காணும் கனவும் கண்ட பொழுது மட்டுமே இன்பமாக உள்ளது.
6. 6நனவென ஒன்றில்லை ஆயின் கனவினாற்
   காதலர் நீங்கலர் மன் விளக்கம்
   விளக்கம்:
   நனவு என்று சொல்லப்படுகின்ற ஒன்று இல்லாதிருக்குமானால், கனவில் வந்த காதலர் என்னை விட்டுப் பிரியாமலே இருப்பர்.
7. 7நனவினான் நல்காக் கொடியார் கனவினான்
   என்னெம்மைப் பீழிப் பது விளக்கம்
   விளக்கம்:
   நனவில் வந்து எமக்கு அன்பு செய்யாத கொடுமை உடைய அவர், கனவில் வந்து எம்மை வருத்துவது என்ன காரணத்தால்?
8. 8துஞ்சுங்கால் தோள்மேலர் ஆகி விழிக்குங்கால்
   நெஞ்சத்தார் ஆவர் விரைந்து விளக்கம்
   விளக்கம்:
   தூங்கும்போது கனவில் வந்து என் தோள்மேல் உள்ளவராகி, விழி்த்தெழும்போது விரைந்து என் நெஞ்சில் உள்ளவராகிறார்‌.
9. 9நனவினான் நல்காரை நோவர் கனவினான்
   காதலர்க் காணா தவர் விளக்கம்
   விளக்கம்:
   கனவில் காதலர் வரக் காணாத மகளிர், நனவில் வந்து அன்பு செய்யாத கா‌தலரை ( அவர் வராத காரணம் பற்றி ) நொந்து கொள்வர்.
10. 10நனவினான் நம்நீத்தார் என்பர் கனவினான்
    காணார்கொல் இவ்வூ ரவர் விளக்கம்
    விளக்கம்:
    நனவில் நம்‌மை விட்டு நீங்கினார் என்று காதலரைப் பழித்து பேசுகின்றனரே! இந்த ஊரார் கனவில் அவரைக் காண்பதில்லையோ?