அதிகாரம் :

1. 1நாநல மென்னும் நலனுடைமை அந்நலம்
   யாநலத் துள்ளதூஉம் அன்று விளக்கம்
   விளக்கம்:
   நாவன்மையாகிய நலம் ஒருவகைச் செல்வம் ஆகும், அந்த நாநலம் தனிச்சிறப்புடையது, ஆகையால் மற்ற எந்த நலங்களிலும் அடங்குவது அன்று.
2. 2ஆக்கமுங் கேடும் அதனால் வருதலாற்
   காத்தோம்பல் சொல்லின்கட் சோர்வு விளக்கம்
   விளக்கம்:
   ஆக்கமும் கேடும் சொல்லுகின்ற சொல்லால் வருவதால் ஒருவன் தன்னுடைய சொல்லிற்க்கு தவறு நேராமல் காத்துக்கொள்ள வேண்டும்
3. 3கேட்டார்ப் பிணிக்கும் தகையவாய்க் கேளாரும்
   வேட்ப மொழிவதாம் சொல் விளக்கம்
   விளக்கம்:
   சொல்லும் போது கேட்டவரைத் தன் வயப்படுத்தும் பண்புகளுடன், கேட்காதவரும் கேட்க விரும்புமாறு கூறப்படுவது சொல்வன்மையாகும்.
4. 4திறனறிந்து சொல்லுக சொல்லை அறனும்
   பொருளும் அதனினூஉங் கில் விளக்கம்
   விளக்கம்:
   சொல்லின் திறத்தை அறிந்து சொல்லை வழங்க வேண்டும், அத் தகைய சொல்வன்மையை விடச் சிறந்த அறமும் பொருளும் இல்லை.
5. 5சொல்லுக சொல்லைப் பிறிதோர்சொல் அச்சொல்லை
   வெல்லுஞ்சொல் இன்மை அறிந்து விளக்கம்
   விளக்கம்:
   வேறோரு சொல் அந்தச் சொல்லை வெல்லும் சொல்லாக இல்லாதிருந்தால் அறிந்த பிறகே சொல்லக்கருதியதைச் சொல்லவேண்டும்.
6. 6வேட்பத்தாஞ் சொல்லிப் பிறர்சொற் பயன்கோடல்
   மாட்சியின் மாசற்றார் கோள் விளக்கம்
   விளக்கம்:
   பிறர் விரும்பும் படியாகத் தாம் சொல்லின் பிறர் சொல்லும் போது அச் சொல்லின் பயனை ஆராய்ந்து கொள்ளுதல் மாசற்ற சிறப்புடையவரின் கொள்கையாகும்.
7. 7சொலல்வல்லன் சோர்விலன் அஞ்சா னவனை
   இகல்வெல்லல் யார்க்கும் அரிது விளக்கம்
   விளக்கம்:
   தான் கருதியவற்றை நன்கு சொல்ல வல்லவனாய் சொல்லும் போது சோர்வு இல்லாதவனாய், அஞ்சாதவனாய் உள்ளவனை மாறுபாட்டால் வெல்வது யார்க்கும் முடியாது.
8. 8விரைந்து தொழில்கேட்கும் ஞாலம் நிரந்தினிது
   சொல்லுதல் வல்லார்ப் பெறின் விளக்கம்
   விளக்கம்:
   கருத்துக்களை ஒழுங்காகக் கோர்த்து இனியாக சொல்ல வல்லவரைப் பெற்றால், உலகம் விரைந்து அவருடைய ஏவலைக் கேட்டு நடக்கும்.
9. 9பலசொல்லக் காமுறுவர் மன்றமா சற்ற
   சிலசொல்லல் தேற்றா தவர் விளக்கம்
   விளக்கம்:
   குற்றமற்றவையாகியச் சில சொற்களைச் சொல்லத் தெரியாதவர், உண்மையாகவே பலச் சொற்களைச் சொல்லிக்கொண்டிருக்க விரும்புவர்.
10. 10இணரூழ்த்து நாறா மலரனையர் கற்ற
    துணர விரிந்துரையா தார் விளக்கம்
    விளக்கம்:
    தாம் கற்ற நூற்ப் பொருளைப் பிறர் உணருமாறு விரிந்துரைக்க முடியாதவர், கொத்தாக மலர்ந்திருந்த போதிலும் மணம் கமழாத மலரைப் போன்றவர்.