அதிகாரம் :

1. 1ஒற்றும் உரைசான்ற நூலும் இவையிரண்டும்
   தெற்றென்க மன்னவன் கண் விளக்கம்
   விளக்கம்:
   ஒற்றரும் புகழ் அமைந்த நீதிநூலும் ஆகிய இவ்விருவகைக் கருவிகளையும் அரசன் தன்னுடைய கண்களாகத் தெளியவேணடும்.
2. 2எல்லார்க்கும் எல்லாம் நிகழ்பவை எஞ்ஞான்றும்
   வல்லறிதல் வேந்தன் தொழில் விளக்கம்
   விளக்கம்:
   எல்லாரிடத்திலும் நிகழ்கின்றவை எல்லாவற்றையும் எக்காலத்திலும் (ஒற்றரைக் கொண்டு) விரைந்து அறிதல் அரசனுக்குரிய தொழிலாகும்.
3. 3ஒற்றினான் ஒற்றிப் பொருள்தெரியா மன்னவன்
   கொற்றங் கொளக்கிடந்த தில் விளக்கம்
   விளக்கம்:
   ஒற்றரால் (நாட்டு நிகழ்ச்சிகளை) அறிந்து அவற்றின் பயனை ஆராய்ந்துணராத அரசன் வெற்றிபெறத்தக்க வழி வேறு இல்லை.
4. 4வினைசெய்வார் தஞ்சுற்றம் வேண்டாதா ரென்றாங் கனைவரையும் ஆராய்வ தொற்று விளக்கம்
   விளக்கம்:
   தம்முடைய தொழிலைச் செய்கின்றவர், தம் சுற்றத்தார், தம் பகைவர் என்றுக்கூறப்படும் எல்லாரையும் ஆராய்வதே ஒற்றரின் தொழிலாகும்.
5. 5கடாஅ உருவொடு கண்ணஞ்சா தியாண்டும்
   உகாஅமை வல்லதே ஒற்று விளக்கம்
   விளக்கம்:
   ஐயுற முடியாத உருவத்தோடு, பார்த்தவருடைய கண் பார்வைக்கு அஞ்சாமல் எவ்விடத்திலும் மனதிலுள்ளதை வெளிப்படுத்தாமல் இருக்க வல்லவனே ஒற்றன் ஆவன்.
6. 6துறந்தார் படிவத்த ராகி இறந்தாராய்ந்
   தென்செயினுஞ் சோர்வில தொற்று விளக்கம்
   விளக்கம்:
   துறந்தவரின் வடிவத்தை உடையவராய், அறிய இடங்களிலெல்லாம் சென்று ஆராய்ந்து (ஐயுற்றவர்) என்ன செய்தாலும் சோர்ந்து விடாதவரே ஒற்றர் ஆவர்.
7. 7மறைந்தவை கேட்கவற் றாகி அறிந்தவை
   ஐயப்பா டில்லதே ஒற்று விளக்கம்
   விளக்கம்:
   மறைந்த செய்திகளையும் கேட்டறிய வல்லவனாய் அறிந்த செய்திகளை ஐயப்படாமல் துணிய வல்லவனாய் உள்ளவனே ஒற்றன் ஆவான்.
8. 8ஒற்றொற்றித் தந்த பொருளையும் மற்றுமோர்
   ஒற்றினால் ஒற்றிக் கொளல் விளக்கம்
   விளக்கம்:
   ஓர் ஒற்றன் மறைந்து கேட்டுத் தெரிவித்தச் செய்தியையும் மற்றோர் ஒற்றனால் கேட்டு வரச் செய்து ஒப்புமை கண்டபின் உண்மை என்றுக் கொள்ள வேண்டும்.
9. 9ஒற்றொற் றுணராமை யாள்க உடன்மூவர்
   சொற்றொக்க தேறப் படும் விளக்கம்
   விளக்கம்:
   ஓர் ஒற்றனை மற்றோர் ஒற்றன் அறியாதபடி ஆள வேண்டும், அவ்வாறு ஆளப்பட்ட ஒற்றர் மூவரின் சொல் ஒத்திருந்தால் அவை உண்மை எனத் தெளியப்படும்.
10. 10சிறப்பறிய ஒற்றின்கண் செய்யற்க செய்யிற்
    புறப்படுத்தான் ஆகும் மறை விளக்கம்
    விளக்கம்:
    ஒற்றனிடத்தில் செய்யும் சிறப்பைப் பிறர் அறியுமாறு செய்யக்கூடாது, செய்தால் மறைபொருளைத்தானே வெளிப்படுத்தியவன் ஆவான்.