அதிகாரம் :

1. 1வேண்டற்க வென்றிடினும் சூதினை வென்றதூஉம்
   தூண்டிற்பொன் மீன்விழுங்கி அற்று விளக்கம்
   விளக்கம்:
   வெற்றியே பெறுவதாலும் சூதாட்டத்தை விரும்பக்கூடாது, வென்ற வெற்றியும் தூண்டில் இரும்பை இரை என்று மயங்கி மீன் விழுகினாற் போன்றது.
2. 2ஒன்றெய்தி நூறிழக்கும் சூதர்க்கும் உண்டாங்கொல்
   நன்றெய்தி வாழ்வதோர் ஆறு விளக்கம்
   விளக்கம்:
   ஒரு பொருள் பெற்று நூறு மடங்கு பொருளை இழந்து விடும் சூதாடிகளுக்கும், நன்மை பெற்று வாழும் ஒரு வழி உண்டோ.
3. 3உருளாயம் ஓவாது கூறிற் பொருளாயம்
   போஒய்ப் புறமே படும் விளக்கம்
   விளக்கம்:
   ஒருவன் உருளுகின்ற கருவியால் வரும் ஒரு பொருளை இடைவிடாமல் கூறி சூதாடினால், பொருள் வருவாய் அவனை விட்டு நீங்கிப் பகைவரிடத்தில் சேரும்.
4. 4சிறுமை பலசெய்து சீரழிக்கும் சூதின்
   வறுமை தருவதொன் றில் விளக்கம்
   விளக்கம்:
   ஒருவனுக்குத் துன்பம் பலவற்றையும் உண்டாக்கி அவனுடைய புகழைக் கெடுக்கின்ற சூதைபோல் வறுமை தருவது வேறொன்றும் இல்லை.
5. 5கவறும் கழகமும் கையும் தருக்கி
   இவறியார் இல்லாகி யார் விளக்கம்
   விளக்கம்:
   சூதாடு கருவியும், ஆடும் இடமும், கைத்திறமையும் மதித்துக் கைவிடாதவர், (எல்லாப் பொருள் உடையவராக இருந்தும்) இல்லாதவர் ஆகிவிடுவார்.
6. 6அகடாரார் அல்லல் உழப்பர்சூ தென்னும்
   முகடியான் மூடப்பட் டார் விளக்கம்
   விளக்கம்:
   சூது என்று சொல்லப்படும் மூதேவியால் விழுங்கப்பட்டவர், வயிறு நிறைய உணவும் உண்ணாதவராகிப் பல துன்பப்பட்டு வருந்துவர்.
7. 7பழகிய செல்வமும் பண்பும் கெடுக்கும்
   கழகத்துக் காலை புகின் விளக்கம்
   விளக்கம்:
   சூதாடுமிடத்தில் ஒருவனுடைய காலம் கழியுமானால் அது அவனுடைய பழைமையாய் வந்த செல்வத்தையும் இயல்பான நற்பண்பையும் கெடுக்கும்.
8. 8பொருள்கெடுத்துப் பொய்மேற் கொளீஇ அருள்கெடுத்
   தல்லல் உழப்பிக்கும் சூது விளக்கம்
   விளக்கம்:
   சூது உள்ள பொருளை அழித்துப் பொய்யை மேற்கொள்ளச் செய்து அருளையும் கெடுத்துப் பலவகையிலும் துன்பமுற்று வருந்தச் செய்யும்.
9. 9உடைசெல்வம் ஊணொளி கல்வியென் றைந்தும்
   அடையாவாம் ஆயங் கொளின் விளக்கம்
   விளக்கம்:
   சூதாடுதலை ஒருவன் மேற்கொண்டால், புகழ், கல்வி, செல்வம், உணவு, உடை ஆகிய ஐந்தும் அவனைச் சேராமல் ஒதுங்கும்.
10. 10இழத்தொறூஉம் காதலிக்கும் சூதேபோல் துன்பம்
    உழத்தொறூஉம் காதற் றுயிர் விளக்கம்
    விளக்கம்:
    பொருள் வைத்து இழக்க இழக்க மேன்மேலும் விருப்பத்தை வளர்க்கும் சூதாட்டம் போல், உடல் துன்பப்பட்டு வருந்ந வருந்த உயிர் மேன்மேலும் காதல் உடையதாகும்.