அதிகாரம் :

1. 1ஆகூழால் தோன்றும் அசைவின்மை கைப்பொருள்
   போகூழால் தோன்று மடி விளக்கம்
   விளக்கம்:
   கைப்பொருள் ஆவதற்க்கு காரணமான ஊழால் சோர்வில்லாத முயற்சி உண்டாகும், கைப்பொருள் போவதற்க்கு காரணமான ஊழால் சோம்பல் ஏற்படும்.
2. 2பேதைப் படுக்கும் இழவூழ் அறிவகற்றும்
   ஆகலூ ழுற்றக் கடை விளக்கம்
   விளக்கம்:
   பொருள் இழந்தற்கு காரணமான ஊழ், பேதை யாக்கும் பொருள் ஆவதற்க்கு காரணமான ஊழ் அறிவைப் பெருக்கும்.
3. 3நுண்ணிய நூல்பல கற்பினும் மற்றுந்தன்
   உண்மை யறிவே மிகும் விளக்கம்
   விளக்கம்:
   ஒருவன் நுட்பமான நூல் பலவற்றைக் கற்றாலும் ஊழுக்கு ஏற்றவாறு அவனுக்கு உள்ள தாகும் அறிவே மேம்பட்டுத் தோன்றும்.
4. 4இருவே றுலகத் தியற்கை திருவேறு
   தெள்ளிய ராதலும் வேறு விளக்கம்
   விளக்கம்:
   உலகத்தின் இயற்க்கை ஊழின் காரணமாக இரு வேறு வகைப்படும், செல்வம் உடையவராதலும் வேறு அறிவு உடையவராதலும் வேறு.
5. 5நல்லவை யெல்லாஅந் தீயவாந் தீயவும்
   நல்லவாஞ் செல்வஞ் செயற்கு விளக்கம்
   விளக்கம்:
   செல்வத்தை ஈட்டும் முயற்சிக்கு ஊழ்வகையால் நல்லவை எல்லாம் தீயவை ஆதலும் உண்டு, தீயவை நல்லவை ஆதலும் உண்டு.
6. 6பரியினும் ஆகாவாம் பாலல்ல உய்த்துச்
   சொரியினும் போகா தம விளக்கம்
   விளக்கம்:
   ஊழால் தமக்கு உரியவை அல்லாதப் பொருள்கள் வருந்திக்காப்பாற்றினாலும் நில்லாமல் போகும் தமக்கு உரியவை கொண்டு போய்ச் சொரிந்தாலும் போகா.
7. 7வகுத்தான் வகுத்த வகையல்லாற் கோடி
   தொகுத்தார்க்குந் துய்த்த லரிது விளக்கம்
   விளக்கம்:
   ஊழ் ஏற்ப்படுத்திய வகையால் அல்லாமல் முயன்று கோடிக்கணக்கானப் பொருளைச் சேர்த்தவருக்கும் அவற்றை நுகர முடியாது.
8. 8துறப்பார்மன் துப்புர வில்லார் உறற்பால
   ஊட்டா கழியு மெனின் விளக்கம்
   விளக்கம்:
   வரவேண்டிய துன்பங்கள் வந்து வருத்தாமல் நீங்குமானால் நுகரும் பொருள் இல்லாத வறியவர் துறவறம் மேற்க்கொள்வர்.
9. 9நன்றாங்கால் நல்லவாக் காண்பவர் அன்றாங்கால்
   அல்லற் படுவ தெவன் விளக்கம்
   விளக்கம்:
   நல்வினை விளையும் போது நல்லவை எனக் கருதி மகிழ்கின்றனர், தீவினை விளையும் போது துன்பப்பட்டுக் கலங்குவது ஏனோ.
10. 10ஊழிற் பெருவலி யாவுள மற்றொன்று
    சூழினுந் தான்முந் துறும் விளக்கம்
    விளக்கம்:
    ஊழை விட மிக்க வலிமையுள்ளவை வேறு எவை உள்ளன, ஊழை விலக்கும் பொருட்டு மற்றோரு வழியைஆராய்ந்தாலும் அங்கும் தானே முன் வந்து நிற்கும்.