அதிகாரம் :

1. 1பல்லார் முனியப் பயனில சொல்லுவான்
   எல்லாரும் எள்ளப் படும். விளக்கம்
   விளக்கம்:
   பலரும் வெறுக்க பயனின்றி பேசுபவனை அனைவரும் எள்ளுவர்.
2. 2பயனில பல்லார்முன் சொல்லல் நயனில
   நட்டார்கண் செய்தலிற் றீது. விளக்கம்
   விளக்கம்:
   பயனில்லாதவற்றை பலர் முன் பேசுதல், நல்லன அல்லாததை நமக்கு உற்றவருக்கு செய்வதை விட தீங்கானது.
3. 3நயனிலன் என்பது சொல்லும் பயனில
   பாரித் துரைக்கும் உரை. விளக்கம்
   விளக்கம்:
   ஒருவன் பயனின்றி நிறைய பேசினால், அவனால் ஆகும் நன்மை ஏதும் இல்லை
4. 4நயன்சாரா நன்மையின் நீக்கும் பயன்சாராப்
   பண்பில்சொல் பல்லா ரகத்து. விளக்கம்
   விளக்கம்:
   பயனில்லாத, பண்பில்லாத சொற்களைப் பேசுவதால் இருக்கும் நன்மையும் நீங்கி விடும்.
5. 5சீர்மை சிறப்பொடு நீங்கும் பயனில
   நீர்மை யுடையார் சொலின். விளக்கம்
   விளக்கம்:
   பயனில்லாது பேசுபவனை மக்களுள் அற்பன் என்பது சரி
6. 6பயனில் சொல் பாரட்டு வானை மகன்எனல்
   மக்கட் பதடி யெனல். விளக்கம்
   விளக்கம்:
   பயனில்லாது பேசுபவனை மக்களுள் அற்பன் என்பது சரி
7. 7நயனில சொல்லினுஞ் சொல்லுக சான்றோர்
   பயனில சொல்லாமை நன்று. விளக்கம்
   விளக்கம்:
   சான்றோர் நன்மை பயக்கக் கூடியதை சொல்லா விட்டாலும், பயன்னற்றதை சொல்ல மாட்டார்கள்
8. 8அரும்பயன் ஆயும் அறிவினார் சொல்லார்
   பெரும்பயன் இல்லாத சொல். விளக்கம்
   விளக்கம்:
   சிறந்தது எது என ஆய்ந்து உணர்ந்த அறிவுடையோர், பயனில்லாததை பேச மாட்டார்கள்
9. 9பொருள்தீர்ந்த பொச்சாந்துஞ் சொல்லார் மருள்தீர்ந்த
   மாசறு காட்சி யவர். விளக்கம்
   விளக்கம்:
   அப்பழுக்கற்ற அறிவுடையவர் பொருளற்ற, குறை உள்ள சொல் கூற மாட்டார்கள்
10. 10சொல்லுக சொல்லிற் பயனுடைய சொல்லற்க
    சொல்லிற் பயனிலாச் சொல். விளக்கம்
    விளக்கம்:
    சொல்லில் பயனில்லாததைத் தவிர்த்து, பயனுள்ளதைப் பேச வேண்டும்