அதிகாரம் :

1. 1மிகினும் குறையினும் நோய்செய்யும் நூலோர்
   வளிமுதலா எண்ணிய மூன்று விளக்கம்
   விளக்கம்:
   மருத்துவ நூலோர் வாதம் பித்தம் சிலேத்துமம் என எண்ணிய மூன்று அளவுக்கு மிகுந்தாலும் குறைந்தாலும் நோய் உண்டாகும்.
2. 2மருந்தென வேண்டாவாம் யாக்கைக் கருந்திய
   தற்றது போற்றி உணின் விளக்கம்
   விளக்கம்:
   முன் உண்ட உணவு செரித்த தன்மை ஆராய்ந்து போற்றியப் பிறகு தக்க அளவு உண்டால், உடம்பிற்கு மருந்து என ஒன்று வேண்டியதில்லை.
3. 3அற்றால் அளவறிந் துண்க அஃதுடம்பு
   பொற்றான் நெடிதுய்க்கும் ஆறு விளக்கம்
   விளக்கம்:
   முன் உண்ட உணவு செரித்துவிட்டால், பின் வேண்டிய அளவு அறிந்து உண்ணவேண்டும், அதுவே உடம்பு பெற்றவன் அதை நெடுங்காலம் செலுத்தும் வழியாகும்.
4. 4அற்ற தறிந்து கடைப்பிடித்து மாறல்ல
   துய்க்க துவரப் பசித்து விளக்கம்
   விளக்கம்:
   முன் உண்ட உணவு செரித்த தன்மையை அறிந்து மாறுபாடில்லாத உணவுகளைக் கடைபிடித்து அவற்றையும் பசித்த பிறகு உண்ண வேண்டும்.
5. 5மாறுபா டில்லாத உண்டி மறுத்துண்ணின்
   ஊறுபா டில்லை உயிர்க்கு விளக்கம்
   விளக்கம்:
   மாறுபாடில்லாதா உணவை அளவு மீறாமல் மறுத்து அளவோடு உண்டால், உயிர் உடம்பில் வாழ்வதற்கு இடையூறான நோய் இல்லை.
6. 6இழிவறிந் துண்பான்கண் இன்பம்போல் நிற்கும்
   கழிபேர் இரையான்கண் நோய் விளக்கம்
   விளக்கம்:
   குறைந்த அளவு இன்னதென்று அறிந்து உண்பவனிடத்தில் இன்பம் நிலைநிற்பது போல, மிகப்பெரிதும் உண்பவனிடத்தில் நோய் நிற்க்கும்.
7. 7தீயள வன்றித் தெரியான் பெரிதுண்ணின்
   நோயள வின்றிப் படும் விளக்கம்
   விளக்கம்:
   பசித்தீயின் அளவின் படி அல்லாமல், அதை ஆராயாமல் மிகுதியாக உண்டால் , அதனால் நோய்கள் அளவில்லாமல் ஏற்ப்பட்டு விடும்.
8. 8நோய்நாடி நோய்முதல் நாடி அதுதணிக்கும்
   வாய்நாடி வாய்ப்பச் செயல் விளக்கம்
   விளக்கம்:
   நோய் இன்னதென்று ஆராய்ந்து, நோயின் காரணம் ஆராய்ந்து, அதைத் தணிக்கும் வழியையும் ஆராய்ந்து, உடலுக்கு பொருந்தும் படியாகச் செய்யவேண்டும்.
9. 9உற்றான் அளவும் பிணியளவும் காலமும்
   கற்றான் கருதிச் செயல் விளக்கம்
   விளக்கம்:
   மருத்துவ நூலைக் கற்றவன், நோயுற்றவனுடைய வயது முதலியவற்றையும், நோயின் அளவையும், காலத்தையும் ஆராய்ந்து செய்ய வேண்டும்.
10. 10உற்றவன் தீர்ப்பான் மருந்துழைச் செல்வானென்
    றப்பானாற் கூற்றே மருந்து விளக்கம்
    விளக்கம்:
    நோயுற்றவன், நோய் தீர்க்கும் மருத்துவன், மருந்து, மருந்தை அங்கிருந்து கொடுப்பவன் என்று மருத்துவ முறை அந்த நான்குவகைப் பாகுபாடு உடையது.