அதிகாரம் :

1. 1கருவியும் காலமும் செய்கையும் செய்யும்
   அருவினையும் மாண்ட தமைச்சு விளக்கம்
   விளக்கம்:
   செயலுக்கு உரிய கருவியும், ஏற்றக் காலமும், செய்யும் வகையும் செய்யப்படும் அறியச் செயலும் சிறப்படையச் செய்ய வல்லவன் அமைச்சன்.
2. 2வன்கண் குடிகாத்தல் கற்றறிதல் ஆள்வினையோ
   டைந்துடன் மாண்ட தமைச்சு விளக்கம்
   விளக்கம்:
   அஞ்சாமையும், குடிபிறப்பும், காக்கும் திறனும், கற்றறிந்த அறிவும் முயற்சியும் ஆகிய இவ்வைந்தும் திருந்தப்பெற்றவன் அமைச்சன்.
3. 3பிரித்தலும் பேணிக் கொளலும் பிரிந்தார்ப்
   பொருத்தலும் வல்ல தமைச்சு விளக்கம்
   விளக்கம்:
   பகைவர்ககு துணையானவரைப் பிரித்தலும், தம்மிடம் உள்ளவரைக் காத்தலும், பிரிந்து கொண்டவரை மீண்டும் சேர்த்துக்கொள்ளலும் வல்லவன் அமைச்சன்.
4. 4தெரிதலுந் தேர்ந்து செயலும் ஒருதலையாச்
   சொல்லலும் வல்ல தமைச்சு விளக்கம்
   விளக்கம்:
   (செய்யத்தக்க செயலை) ஆராய்தலும், அதற்குரிய வழிகளை ஆராய்ந்து செய்தலும், துணிவாகக் கருத்தைச் சொல்லுதலும் வல்லவன் அமைச்சன்.
5. 5அறனறிந் தான்றமைந்த சொல்லானெஞ் ஞான்றுந்
   திறனறிந்தான் தேர்ச்சித் துணை விளக்கம்
   விளக்கம்:
   அறத்தை அறிந்தவனாய், அறிவு நிறைந்து அமைந்த சொல்லை உடையவனாய், எக்காலத்திலும் செயல்செய்யும் திறன் அறிந்தவனாய் உள்ளவன் ஆராய்ந்து கூறும் துணையாவான்.
6. 6மதிநுட்ப நூலோ டுடையார்க் கதிநுட்பம்
   யாவுள முன்னிற் பவை விளக்கம்
   விளக்கம்:
   இயற்கையான நுட்ப அறிவை நூலறிவோடு ஒருங்கே உடையவர்க்கு மிக்க நுட்பமான சூழ்ச்சிகளாய் முன் நிற்பவை எவை உள்ளன.
7. 7செயற்கை அறிந்தக் கடைத்து முலகத்
   தியற்கை அறிந்து செயல் விளக்கம்
   விளக்கம்:
   நூலறிவால் செயலைச் செய்யும் வகைகளைச் அறிந்த போதிலும் உலகத்தின் இயற்கையை அறிந்து அதனோடு பொருந்துமாறு செய்யவேண்டும்.
8. 8அறிகொன் றறியான் எனினும் உறுதி
   உழையிருந்தான் கூறல் கடன் விளக்கம்
   விளக்கம்:
   அறிவுறுத்துவாரின் அறிவையையும் அழித்துத் தானும் அறியாதவனாக அரசன் இருந்தாலும், அமைச்சன் அவனுக்கு உறுதியானவற்றை எடுத்துக்கூறல் க‌டமையாகும்.
9. 9பழுதெண்ணும் மந்திரியிற் பக்கத்துள் தெவ்வோர்
   எழுபது கோடி உறும் விளக்கம்
   விளக்கம்:
   தவறான வழிகளை எண்ணி கூறுகின்ற அமைச்சனை விட எழுபது கோடி பகைவர் பக்கத்தில் இருந்தாலும் நன்மையாகும்.
10. 10முறைப்படச் சூழ்ந்து முடிவிலவே செய்வர்
    திறப்பா டிலாஅ தவர் விளக்கம்
    விளக்கம்:
    (செயல்களைச் முடிக்கும்) திறன் இல்லாதவர், முன்னே எண்ணி வைத்திருந்தும் (செய்யும் போது) குறையானவைகளையேச் செய்வர்.