அதிகாரம் :

1. 1மக்களே போல்வர் கயவர் அவரன்ன
   ஒப்பாரி யாங்கண்ட தில் விளக்கம்
   விளக்கம்:
   மக்களே போல் இருப்பார் கயவர், அவர் மக்களை ஒத்திருப்பது போன்ற ஒப்புமை வேறு எந்த இருவகைப் பொருள்களிடத்திலும் யாம் கண்டதில்லை.
2. 2நன்றறி வாரிற் கயவர் திருவுடையர்
   நெஞ்சத் தவலம் இலர் விளக்கம்
   விளக்கம்:
   நன்மை அறிந்தவரை விடக் கயவரே நல்ல பேறு உடையவர், ஏன் என்றால், கயவர் தம் நெஞ்சில் எதைப் பற்றியும் கவலை இல்லாதவர்.
3. 3தேவ ரனையர் கயவர் அவருந்தாம்
   மேவன செய்தொழுக லான் விளக்கம்
   விளக்கம்:
   கயவரும் தேவரைப் போல் தான் விரும்புகின்றவைகளைச் செய்து மனம் போன போக்கில் நடத்தலால், கயவர் தேவரைப் போன்றவர்.
4. 4அகப்பட்டி ஆவாரைக் காணின் அவரின்
   மிகப்பட்டுச் செம்மாக்கும் கீழ் விளக்கம்
   விளக்கம்:
   கீழ் மக்கள் தமக்கு கீழ் பட்டவராய் நடப்பவரைக் கண்டால், அவரை விடத் தாம் மேம்பாடு உடையவராய் இறுமாப்படைவர்.
5. 5அச்சமே கீழ்கள தாசாரம் எச்சம்
   அவாவுண்டேல் உண்டாம் சிறிது விளக்கம்
   விளக்கம்:
   கீழ் மக்களின் ஆசாரத்திற்கு காரணமாக இருப்பது அச்சமே, எஞ்சியவற்றில் அவா உண்டானால் அதனாலும் சிறிதளவு ஆசாரம் உண்டாகும்.
6. 6அறைபறை அன்னர் கயவர்தாம் கேட்ட
   மறைபிறர்க் குய்த்துரைக்க லான் விளக்கம்
   விளக்கம்:
   கயவர், தாம் கேட்டறிந்த மறைப்பொருளைப் பிறர்க்கு வலிய கொண்டுபோய்ச் சொல்லுவதலால், அறையப்படும் பறை போன்றவர்.
7. 7ஈர்ங்கை விதிரார் கயவர் கொடிறுடைக்குங்
   கூன்கையர் அல்லா தவர்க்கு விளக்கம்
   விளக்கம்:
   கயவர் தம் கன்னத்தை இடித்து உடைக்கும் படி வளைந்த கை உடையவரல்லாத மற்றவர்க்கு உண்ட எச்சில் கையையும் உதற மாட்டார்.
8. 8சொல்லப் பயன்படுவர் சான்றோர் கரும்புபோல
   கொல்லப் பயன்படும் கீழ் விளக்கம்
   விளக்கம்:
   அணுகி குறைச் சொல்லுகின்ற அளவிலேயே சான்றோர் பயன்படுவர், கரும்புபோல் அழித்துப் பிழிந்தால் தான் கீழ்மக்கள் பயன்படுவர்.
9. 9உடுப்பதூஉம் உண்பதூஉம் காணின் பிறர்மேல்
   வடுக்காண வற்றாகும் கீழ் விளக்கம்
   விளக்கம்:
   கீழ் மகன் பிறர் உடுப்பதையும், உண்பதையும் கண்டால் அவர் மேல் பொறாமை கொண்டு, வேண்டும் என்றே குற்றம் காண வல்லவனாவான்.
10. 10எற்றிற் குரியர் கயவரொன் றுற்றக்கால்
    விற்றற் குரியர் விரைந்து விளக்கம்
    விளக்கம்:
    கயவர், எதற்கு உரியவர், ஒரு துன்பம் வந்தடைந்த காலத்தில் அதற்காக தம்மை பிறர்க்கு விலையாக விற்றுவிடுவதற்கு உரியவர் ஆவர்.